थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

नेपाली काग्रेंस क्षेत्र नम्बर ५ कैलालीके क्षेत्रीय सम्मेलन सम्पन्न

पहुरा | १० माघ २०८१, बिहीबार
नेपाली काग्रेंस क्षेत्र नम्बर ५ कैलालीके क्षेत्रीय सम्मेलन सम्पन्न

पहुरा समाचारदाता
धनगढी, १० माघ ।
नेपाली काग्रेंस क्षेत्र नम्बर ५ कैलालीके क्षेत्रीय सम्मेलन सम्पन्न हुइल बा ।

नेपाली कांग्रेसके १४ औ महाधिवेशन पाछेक दुसरा प्रतिनिधि सभा क्षेत्र नम्बर ५ कैलालीके क्षेत्रीय सम्मेलन हुइल हो । नेपाली कांग्रेस क्षेत्र नम्बर ५ कैलालीके सभापति भीम पडालके अध्यक्षतामे हुइल कार्यक्रमके प्रमुख अतिथि नेपाली काँग्रेसके केन्द्रिय सदस्य नृपवहादुर ओड रहल रहिट । क्षेत्रीय सम्मेलनहे सम्बोधन करटी केन्द्रिय सदस्य ओड नेपाली काँग्रेससे निर्वाचित जनप्रतिनिधि ओ पार्टीके नेता तथा कार्यकर्ता एकजुट हुके आघे बह्रे पर्नामे जोर डेहल रहिट ।

उहाँ कैलाली क्षेत्र नम्बर ५ मे प्रतिनिधि सभा, प्रदेश सभा ओ स्थानीय तहके वडामे काँग्रेससे जिटल जनप्रतिनिधिहुकनसे करल कामके प्रचार प्रसार करे सेक्लेसे २०८४ सालके निर्वाचनमे नेपाली काँग्रेसके उम्मेदवार सहज जित हासिल कैना दावी करलै । केन्द्रिय सदस्य ओड पार्टीमे गुटबन्धी नैरहल ओ पार्टी सभापति शेरवहादुर देउवा सक्कुहुनके साझा रहल बटैलै ।
क्षेत्रीय सम्मेलनहे सम्बोधन करटी दुसर केन्द्रिय सदस्य सुशिला मिश्र भट्ट काँग्रेससे निर्वाचित जनप्रतिनिधिसे करल सकारात्मक कामहे अनुसरण करटी ओकर प्रचार प्रसार करेपर्ना बटैली । उहाँ मजा कामके अनुसरण करटी जनमुखी कामहे प्राथमिकताके साथ सक्कु जाने लैजाई पर्ना बटैली ।

क्षेत्रीय सम्मेलनहे नेपाली काँग्रेसके केन्द्रिय सदस्य जीवन राना, सदस्य, प्रतिनिधि सभा सदस्य डिल्लीराज पन्त, राष्ट्रिय सभा सदस्य तथा कैलाली जिल्ला सभापति नारायणदत्त भट्ट, नेपाली काँगे्रस सुप प्रदेश समितिके महामन्त्री नरनारायण शाह मनु, पुर्वमन्त्री तथा प्रदेश सभा सदस्य प्रकाशवहादुर देउवा, प्रदेश सभा सदस्य डम्मरी महरा लगायतसे मन्तव्य राखल रहिट । ओइने सक्कु जाने नेपाली काँग्रेसहे एकढिक्का बनाके लैजाई पर्नामे जोर डेहल रहिट ।

क्षेत्रीय सम्मेलनमे बोल्टी प्रतिनिधि सभा क्षेत्र नम्बर ५ कैलालीके सभापति भीम पडाल काँग्रेसहे सही डगरमे डोरयाइना स्थानीय स्तरके नेताके साथे उप्पर तहके ओ केन्द्रिय नेताफे जिम्मेवारीपुर्वक भुमिका निर्वाह कैना आग्रह करलै । उहाँ काँग्र्रेसके नेता कार्यकर्ताहे चलायमान बनैना टमान समयमे समुदायस्तरमे काँग्रेस जोरना कार्यक्रम ल्यन्न आवश्यक रहल बटैलै । काग्रेंसके सय दिने अभियान सफल ओ सार्थक रुपमे सम्पन्न हुइल उहाँक कहाई रहे ।

क्षेत्रीय सम्मेलनमे नेपाली काँग्रेसके कैलाली जिल्ला सभापति नारायणदत्त भट्ट, उपमहानगरपालिकाके सभापति यज्ञराज उपाध्याय सहित प्रदेश सभा क ओ ख के सभापति, क्षेत्र नम्बर ५ के २१ वडा सभापति लगायतहे सम्मान कैगिल बा । कार्यक्रममे टमान सांस्कृतिक कार्यक्रमफे प्रस्तुत करल रहे ।

धनगढी उपमहानगरपालिका वडा नम्बर १५ स्थित कनरी पार्कमे झण्डै चार सय ढेर नेता कार्यकर्ताहुकनके उपस्थितिमे सफलता पुर्वक सम्पन्न करल क्षेत्रीय सम्मेलनमे सचिव विजय जोशी सांगठनिक प्रतिवेदन प्रस्तुत करल रहिट कलेसे कार्यक्रमके सञ्चालन दुसर सचिव महेश गोले करल रहिट ।

जनाअवजको टिप्पणीहरू