थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

फागुन ९ गतेसे फूलबारी महोत्सव हुइना

पहुरा | १३ माघ २०८१, आईतवार
फागुन ९ गतेसे फूलबारी महोत्सव हुइना

पहुरा समाचारदाता
धनगढी, १३ माघ ।
धनगढी उपमहानगरपालिका १४ एच गाउँमे फूलवारी महोत्सव २०८१ आयोजना हुइना हुइल बा ।

फूलवारी–११ स्पोर्ट क्लबके आयोजनामे अइना फागुन ९ गतेसे १८ गतेसम महोत्सव आयोजना हुइना अँट्वारके पत्रकार सम्मेलन मार्फत जानकारी कराइल हो ।

‘स्थानीय कला, संस्कृति, पर्यटन, व्यापार, कृषि, प्रवर्द्धन’ कना मुल नारा सहित महोत्सव आयोजना करे लागल आयोजक फूलवारी स्पोर्ट क्लबके अध्यक्ष महेश गोले जानकारी डेलै । स्थानीय कला संस्कृति जगेर्ना सहित स्थानीय उत्पादनहे बजारीकरण कैना उद्देश्यसे महोत्सव आयोजना करे लागल अध्यक्ष गोले बटैलै ।

न्यू बुद्ध स्पोर्टस युवा क्लबके खेलमैदानमे आयोजना हुइना महोत्सवके मुख्य आकर्षण रमाइलो मेला, राष्ट्रिय तथा स्थानीउ कलाकारहुकनके बेजोड प्रस्तुति रहना जनाइल बा ।

महोत्सवमे बजार अनुसन्धान एवं लौव वस्तुके अवसर सृजना कैना, कृषि क्षेत्रमे जडिवुटी पेशाहे व्यवसायीकरुपमे उन्मुख करैना ओ स्थानीय कला, लोक संस्कृति ओ साहित्यके जर्गेना ओ प्रवद्र्धनमे सहयोग पुगैना उद्देश्य महोत्सवके रहल बा ।

जनाअवजको टिप्पणीहरू