याक नेपालसे स्वास्थ्य सामाग्री हस्तान्तरण

पहुरा समाचारदाता
हसुलिया, १५ माघ । याक नेपालसे कैलारी गाउँपालिकाके स्वास्थ्य संस्थाके स्वास्थ्य सामाग्री हस्तान्तरण करले बा ।
याक नेपालसे पोषण परियोजना अन्र्तगत केयर नेपाल आइडीइ र म्याप इन्टरनेशनलके आर्थिक सहयोगमे मातृ तथा शिशु सुधारक लाग स्वास्थ्य सामाग्री हस्तान्तरण करल हो । याक नेपालके महासचिव ह्रदय पुजारा ओ याक नेपालके पोषण परियोजना कार्यक्रम संयोजक जगत प्रसाद उपाध्यक्षसे गाउँपालिका उपाध्यक्ष भगवतीकुमारी चौधरी ओ स्वास्थ्य शाखा प्रमुख नरेशकुमार चौधरीहे उ सामाग्री हस्तान्तरण करल रहिट ।
हस्तान्तरण करल स्वास्थ्य सामाग्री रतनपुर स्वास्थ्य चौकी, हसुलिया स्वास्थ्य चौकी, के गाउँ स्वास्थ्य चौकी, मनाउँ स्वास्थ्य चौकी ओ गाउँपालिकाके स्वास्थ्य शाखामे रना बा । हस्तान्तरण करल सामाग्रीमे प्रस्तुती जाँच टेवल पाँच थान, डेलिभरी वेड (पोष्ट नेटल बेड) ४ ठो, टु स्टेप फुट स्टुल १२ ठो, पिलो विथ कभर ७ ठो, पेरी लाइट १ ठो, फिटस डपलर २ ठो रहल बा ।
ओस्टेक करके क्यास कार्ट २ ठो, इनस्टुमेन्ट ट्रली ६ ठो, सर्जिकल ग्लोप्स ३ हजार, ग्लाप्स युटिलिटी २० जोरी, इजमिनिसन ग्लाप्स २५ बक्स, रबर मेकिन्टस ६ ठो, हेडलाइट फोकस ६ ठो, एसएस ट्राई विथ कभर ९ ठो, डिजिटल प्यान वैट मेसिन ३ ठो, रेडियन्ट वार्मर २ ठो, पेन्गुइन सक्सन ५ ठो, अक्सिजन कन्स्ट्रेटर १ ठो, एडल्ट डिजिटल वैट मेसिन ३ ठो, डिजिटल अल्ट्रसाउण्ड मेसिक १ ठो, भ्याक्सिन क्यारियर ५ ठो, वेवी व्लाङकेट १० ठो, आइस प्याक भ्याक्सिन १७ लगायत सामाग्री हस्तान्तरण कैगिल बा । याक नेपालसे उ स्वास्थ्य सामाग्री कैलारीलगायत भजनी, जानकी, घोडाघोडी ओ गोदावरीमे नगरपालिकामे हस्तान्तरण महासचिव पुजारा बटैलै ।
