जनता सामुदायिक वनके आठौ वार्षिक साधारणसभा

पहुरा समाचारदाता
पहलमानपुर, ५ पुस । कैलालीके घोडाघोडी नगरपालिका वडा नम्बर १२ नकफोडुवामे रहल जनता सामुदायिक वन उपभोक्ता समुहके आठौ बार्षिक साधारणसभा कार्यक्रम शनिच्चरके रोज हुइल बा ।

उ समुदायिक वनके अध्यक्ष रामचरण चौधरीके अध्यक्षतामे हुइल कार्यक्रममे वकडा पहुना सब डिभिजन वन कार्यालयके वन अधिकृत विश्वराज पण्डित रहल रहिट । ओ विशिष्ट पहुना हरिनगरके प्रहरी चौकीके इन्चार्ज विर्खा बहादुर रावल रहिट ।

कार्यक्रममे शुभकामना मन्तव्य बृद्धिजिबी हरि प्रसाद चौधरी, विद्यालय व्यवस्थापन समिति नकफोडुवाके अध्यक्ष कृष्णबहादुर चौधरी, ओम शान्ति सामुदायिक वनके अध्यक्ष राजकुमार चौधरी लगायत मन्तव्य व्यक्त करले रहिट ।

कार्यक्रममे आयव्यय प्रस्तुत दिपेन्द्र चौधरी ओ संचालन शिक्षक प्रागीलाल चौधरी करले रहिट । ओ स्वागत मन्तव्य समूहके सचिव माया चौधरी करले रही ।