विश्वासके मत पाइलवाद मुख्यमन्त्री भट्ट कलैं– गणतन्त्रके जित हुइल
धनगढी, २४ जेठ । सुदूरपश्चिम प्रदेशके मुख्यमन्त्री त्रिलोचन भट्ट विश्वासके मत प्राप्त करले बटैं । विश्वासके मत प्राप्त करल लगत्ते उहाँ संघीय लोकतान्त्रिक गणतन्त्रके जित हुइल बटैलैं । सञ्चारकर्मीहुकनहे प्रतिक्रिया डेटी उहाँ यकर थप संस्थागत विकास करना प्रतिबद्धता व्यक्त करलैं ।
‘संघीय लोकतान्त्रिक गणतन्त्रके जित हुइल बा ओ र थप संस्थागत विकास करना यी विश्वासके मत प्राप्त हुइल हो,’ उहाँ कलैं । आगामी दिनमे समग्र विकास निर्माणमे केन्द्रित हुइना उहाँक कहाइ रहे ।
‘समग्र विकासके लाग और सशक्त रूपसे काम करम’, उहाँ कलैं, ‘संविधान, लोकतान्त्रिक गणतन्त्र, राष्ट्रियता ओ संसदीय प्रणालीहे बचैना ओ विकास करना मेरिक मै काम करम ।’
नयाँ संरचनासहितके पहिल अनुभव हुइल ओरसे ३ वर्ष करल कामके परिणाम अइना बेला हुइल कटि मुख्यमन्त्री भट्ट और परिणाममुखी काम करना बटैलैं ।
सरकार प्रमुखसे आवश्यक मानलमे विश्वास मत डेहे सेक्ना व्यवस्था अनुसार अप्ने विश्वासके मत मागल बटैलैं । उहाँक पक्षमे ३० मत ओ विपक्षमे ९ भोट परल रहे ।
एमालेके ओली पक्षके ७ जाने ओ जनता समाजवादी पार्टीके २ जाने सरकारके विपक्षमे भोट डरले रहैं । काँग्रेस मतदानमे भाग नैलेहल ।
सम्बन्धित समाचार
मुख्यमन्त्री भट्ट विश्वासके मत पैलैं, माधव नेपाल पक्षके १७ सांसदसे मतदान
