कृष्णपुर नगरपालिकाहे जग्गा नापजाँच रोक्न निर्देशन
पहुरा समाचारदाता
कार्तिक, १७ कार्तिक । निर्वाचन आयोगसे कञ्चनपुरके कृष्णपुर नगरपालिका निर्वाचन आचारसंहिता विपरीत राष्ट्रिय भूमि आयोगमार्फत जग्गा वितरणके प्रयोजनार्थ हुइटी रहल जग्गा नापजाँच तत्तकाल रोक्न निर्देशन डेले बा ।
नगरपालिकाके प्रमुख प्रशासकीय अधिकृतहे पत्र लिख्टी आयोगसे यैसिन निर्देशन डेहल हो । जिल्ला निर्वाचन कार्यलयहे बोधार्थ डेहल पत्रमे आयोगसे दुई दिनभिटर यी बारे निर्णय करके जानकारी करैनाफे निर्देशन डेहल बा ।
‘आयोगसे यी आघे प्रतिनिधि सभा सदस्य निर्वाचन ओ प्रदेश सभा सदस्य निर्वाचन सम्पन्न नइहुइटसमके लाग अपने ओ अपन मातहतसे हुइना ओ हुइटी रहल जग्गा वितरण सम्बन्धी निवेदन लेना, जग्गा नापजाँच कैना ओ जग्गाके निस्सा तथा लालपूर्जा वितरण कैना लगायतके सक्कु कार्य तत्काल स्थगित कैना भूमि आयोग, ताहाचल, काठमाडौहे निर्देशन डेना निर्णय’ हुइल ओ उ बारे भूमि आयोगहे पत्राचारसमेत हुसेकल उल्लेख करल बा ।
स्पष्टीकरणपत्रमे कहल बा, उ नगरपालिकासे समेट अपने ओ अपन मातहतसे हुइटी रहल जग्गा नापजाँच लगायतके कार्य तत्काल स्थगित करके प्रतिनिधि सभा सदस्य तथा प्रदेश सभा सदस्य निर्वाचन सम्पन्न नइहुइटसम उ कार्य नइकैना निर्वाचन आयोग ऐन, २०७३ के दफा २३ के उपदफा (२) बमोजिम निर्देशन डेहल व्यहोरा निर्णयानुसार अनुरोध बा ।’
