अपाङता सहायक सामग्री जांच शिविर

पहुरा समाचारदाता
धनगढी,३ पुस । धनगढी उपमहानगरपालिकाके आयोजना ओ नेपाल राष्ट्रिय समाज कल्याण संघके प्राविधिक सहयोगमे धनगढी उप–महानगरपालिकाके वडा नं १८ मे अपाङता हुइल व्यक्तिहुकनके अपाङता सहायक सामग्री जांच शिविर सम्पन्न हुइल बा ।

जेम्ने वडा नं १४, १८, ओ १९ के ५५ जाने नाम दर्ता कराइल रहिट कलेसे ४२ जाने सेवा लेले बटै । शारिरिक अपाङता प्राविधिकसे सक्कु सेवाग्राहीके जांच करके सहायक सामग्री वितरण कैगिल बा ।उ शिविरमे बैशाखी– ६ जोर, एल्बो कच– ५ थान, ह्यान्ड स्पिलिंट– ५ थान, वाकिंग स्टिक– ५ थान, वाकर– १ थान वितरण कैगिल बा कलेसे नाप जांच हुइल बाँकी सामग्री फेरसे वितरण कैना बा । उ अपाङता सहायक सामग्री नगर प्रमुख गोपाल हमाल वितरण करल रहिट ।

ओस्टेक करके माघ ५ गते उर्मा स्वास्थ्य चौकी, धनगढी उपमहानगरपालिका भवन ओ माघ ६ गते जुगेडा शहरी स्वा. केन्द्रमे अपांगता सहायक सामग्री जांच शिविर संचालन कैना बा ।