सुदूरपश्चिमके उपसभामुखमे चौधरी निर्वाचित

पहुरा समाचारदाता
धनगढी, ३ पुस । सुदूरपश्चिम प्रदेशके उपसभामुखमे एमालेके कोइलीदेवी चौधरी निर्वाचित हुइल बटी ।

५३ जाने प्रदेश सभा सदस्य रहल सुदूरपश्चिम प्रदेशममे उहाँ २८ मत पैले रहिट । ५३ जाने मन्से एक सभामुख बाहेक और सक्कु जाने मत डेहल रहिट ।

चौधरी एमालेके १०, माओवादी केन्द्रके १०, नागरिक उन्मुक्तिके ७ ओ राप्रपाके १ मत पैली । उपसभामुखके दुसर उम्मेदवार नेकपा एकीकृत समाजवादी माया पन्त २३ मत पैले रहिट । मंगर विहान माओवादी केन्द्रके भीम भण्डारीफे सभामुखमे निर्वाचित हुइल रहिट ।