प्रधानमन्त्री रोजगार कार्यक्रम सम्बन्धी अभिमुखिकरण

पहुरा समाचारदाता
हसुलिया, १९ फागुन । कैलालीके कैलारी गाउँपालिका वडा नम्बर ७ विपतपुरके खाद्यअधिकरसे प्रभावित समुदायहे प्रधानमन्त्री रोजगार कार्यक्रम सम्बन्धी अभिमुखिकरण कार्यक्रम कैगिल बा ।

परिवर्तनका लागि कार्यरत युवा समूह (याक) नेपालसे खाद्य अधिकार सवलीकरण परियोजना अन्तर्गत शुकके रोज उ कार्यक्रमके आयोजना कैगिल हो ।

पालिक स्तरीय खाद्यअधिकार संजालके संयोजक माया चौधरीके अध्पक्षतामे हुइल कार्यक्रममे वडका पहुना गाउँपालिका प्रवक्ता तथा वडा नम्बर ७ के अ वडा अध्यक्ष दिपेन्द्रबहादुर बम रहल रहिट ।

कार्यक्रममे बोल्टी उहाँ गैल बैशाखमे भीषण आगलागीसे पूर्ण क्षति २७ घरके पूननिर्माण हुइटी रहल बटैलै । विपतपुरमे मुक्तकमैयाहुकनके बसोबास रहल ओरसे यहाँ खाद्य अधिकारसे प्रभावित समुदायके बसोबास रहल उहाँ बटैलै । विपतपुरके आउर परिवारफे आगलागिसे प्रभावित हुइल ओरसे बाँकी घर निर्माणके लाग सम्बन्धित मन्त्रालयसे पहल कैना अध्यक्ष बम बटैलै ।

कर्यक्रमके विषयबस्तुमे कैलारी गाउँपालिकाके रोजगार केन्द्रके रोजगार सहायक इन्द्रश्याम चौधरी सहजीकरण करल रहिट । कार्यक्रमके संचालन परियोजना अधिकृत सर्जुप्रसाद चौधरी करल रहिट कलेसे उद्देस्य उप्पर प्रकास वरिष्ठ अधिकृत दिपक ओझा करलै ।