जनकल्याण माविके ५३औं बार्षिकोत्सव
पहुरा समाचारदाता
हसुलिया, १९ फागुन । कैलालीके कैलारी गाउँपालिका वडा ५ पवेरामे रहल श्री जनकल्याण माविके ५३औं वार्षिकोत्सव समारोह तथा अभिभावक भेला शुकके रोज भव्यताके साथ सम्पन्न हुइल बा ।
सुदूरपश्चिम प्रदेशसभा सदस्य घनश्याम चौधरीके वकका पहुनामे हुइल कार्यक्रममे विशिष्ट अतिथि कैलारी गाउँपालिकाके शिक्षा तथा खेलकुद शाखा प्रमुख गणेशप्रसाद मिश्र रहल रहिट ।
बार्षिकोत्सव समारोहमे विद्यालयसे टमान व्यक्तित्वहहुकन सम्मान करले बा । सम्मानित हुइलमे पूर्व शिक्षक, पूर्व अध्यक्ष, चन्दादाता, बार्षिकोत्सवके अवसरमे हुइल खेलकुद प्रतियोगिताके खेलाडी, कार्यरत शिक्षक रहल बटै ।
विद्यालय व्यवस्थापन समितिके अध्यक्ष प्रेमबहादुर चौधरीके अध्यक्षतामे हुइल कार्यक्रममे पूर्व अध्यक्ष परसराम चौधरी, पूर्व शिक्षक ध्रुव नारायण राउट लगायतसे मन्तव्य व्यक्त करले रहिट । कार्यक्रमके स्वागत मन्तव्य विद्यालयके प्रअ जगन्नाथ चौधरी करले रहिट ।
