सुदूरपश्चिम प्रदेश पत्रकार महासंघसे ११ बुँदे घोषणापत्र जारी

पहुरा समाचारदाता
धनगढी, २१ फागुन । सुदूरपश्चिम प्रदेश पत्रकार महासंघसे ११ बुँदे घोषणापत्र जारी करले बा । शनिच्चरके रोज कैलालीके गोदावरीमे सम्पन्न टिसरा साधारण सभासे पत्रकारिताका चुनौती, वर्तमान अवस्था ओ भावी रणनीतिके विषयमे घोषणापत्र जारी करल हो ।

शनिच्चरके रोज शालिनी बाटिकामे सुदूरपश्चिम प्रदेशके मुख्यमन्त्री कमल शाह, भौतिक पूर्वाधार विकास मन्त्री प्रकाश देउवा, आर्थिक मामिला तथा योजना मन्त्री नरेश शाही लगायतके उपस्थितिमे साधारण सभा सुरु हुइल रहे ।

जारी घोषणापत्र अइसिन बाः

१. पत्रकारितामे क्रियाशील नइरहल ओ पत्रकारिता क्षेत्रसंग असम्बन्धित व्यक्तिफे नेपाल पत्रकार महासंघके सदस्यके रुपमे रहल बाट सर्वत्र आलोचना हुइटी रहल बेला यी विषयहे महासंघसे गम्भीरताके साथ लेटी महासंघके गरिमा कायम कैना सदस्यता शुद्धीकरण अभियानहे प्रभावकारी ढंगसे सञ्चालन कैना महासंघ प्रतिवद्धता व्यक्त करल बा । साथे, यी साधारण सभा शुद्धीकरण अभियानहे सार्थक तुल्यइना प्रदेशके नेतृत्वसे पत्रकारके पेशागत संगठनहुकनसंग समन्वयकारी भूमिका निर्वाह करके आघे बह्रना प्रतिवद्धता व्यक्त करल बा । साथे सदस्यता नवीकरण ओ सदस्यता वितरणहे केन्द्रसे तय करल मापदण्डहे कार्यान्वयन कैना प्रतिवद्धता यी साधारण सभा व्यक्त करले बा ।

२. प्रेस तथा अभिव्यक्ति स्वतन्त्रताके सुनिश्चितताके लाग सम्बद्ध सरोकारवाला पक्षसंग महासंघके सुदूरपश्चिम प्रदेशके टिसरा साधारण सभा आग्रह करटा ।

३. पत्रकार आचार संहिता पूर्णरुपमे पालना कैना÷करैना यी साधारण सभा प्रतिवद्धता व्यक्त करटा ।

४. केन्द्र, प्रदेश ओ जिल्लाबीचके समन्वयहे थप मजबुत बनैना यी साधारण सभा प्रतिवद्धता व्यक्त करले बा ।

५. समाचार लिखलके कारण पत्रकारसे भौतिक तथा मानसिक रुपमे सुरक्षा जोखिम व्यहोरे पर्ना अवस्था सुदूरपश्चिम प्रदेशमे बारम्बार दोहरैटी रहल सन्दर्भमे पत्रकारहे निर्भिक रुपमे समाचार संकलन तथा सम्प्रेणय कैना वातावरण निर्माणके लाग सम्बद्ध पक्षसंग यी साधारण सभा जोडदार माग करटा ।

६. स्थानीय, प्रदेश संघीय सरकार तथा अन्य सरोकारवाला निकायसंग पत्रकार क्षमता अभिवृद्धि कार्यक्रक सञ्चालनके लाग आवश्यक सहकार्य कैना यी साधारण सभा आग्रह करटा ।

७. संचार क्षेत्रके संरक्षण ओ प्रवर्द्धन हुइना करके मिडिया मैत्री सञ्चार नीति नन्ना सुदूरपश्चिम प्रदेश सरकारसंग यी साधारण सभा जोडदार माग करटा ।

८. श्रमजीवी पत्रकार ऐन कार्यान्वयन कैना सम्बद्ध सरोकारवाला निकायहे यी साधारण सभा आग्रह करटा ।
अन्तर्राष्ट्रिय सीमा जोरल जिल्लाके पत्रकारहुकनहे सीमा क्षेत्रमे समाचार संकलन कैना क्रममे टमान खालके व्यवधान भोगे परटी रहल ओरसे निर्वाध रुपमे समाचार संकलन कैना वातावरण निर्माण कैना सम्बन्धित सरोकारवालाके ध्यानाकर्षण करैना यी साधारण सभा माग करटै ।

१०. पत्रकार महिलाके सहभागितासंगे पेशागत दिगोपनाके लाग वृत्ति विकासके कार्यक्रम सञ्चालन कैना सम्बन्धित निकायसंग समन्वय कैना ।

११. यी सुन्दर नगरी गोदावरी नगरपालिकाके धार्मिक तथा पर्यटकीय गन्तव्यके रुपमे रहल गोदावरी क्षेत्रके पर्यटन प्रवर्द्धन अपरिहार्य बा । तसर्थ, गोदावरीके समग्र विकासके लाग सुदूरपश्चिमके सञ्चार क्षेत्र सहकार्य कैना तयार रहल स्मरण करैटी सरोकारवाला निकायसंग प्राथमिकताके साथ योजना निर्माण तथा कार्यान्वयन कैना जोडदार माग करटी ।