सुदूरपश्चिमके मुख्यमन्त्री शाहहे दुईतिहाइ मत प्राप्त

पहुरा समाचारदाता
धनगढी, २१ फागुन । सुदूरपश्चिम प्रदेशके मुख्यमन्त्री कमलबहादुर शाह दुई तिहाई मतके साथ विश्वासके मत प्राप्त करले बटैं ।

अँट्वारके रोज बैठल सुदूरपश्चिम प्रदेशसभाके बैठकसे उहाँ नेकपा एमाले ओ राप्रपा बाहेकके दलसे दुईतिहाइ मत पैलैं । उहाँहे नेपाली काँग्रेस, नेकपा माओवादी केन्द्र, नागरिक उन्मुक्ति पार्टी, नेकपा एकीकृत समाजवादी ओ एक स्वतन्त्र कैके ४१ जाने प्रदेशसभा सदस्य मत डेले बटैं ।

५३ सदस्यीय प्रदेशसभामे उपस्थित सांसद ५२ रहैं कलेसे मुख्यमन्त्री शाहके पक्षमे ४१ मत परल कलेसे विपक्षमे ११ मत परल ।

माघ २६ गते मुख्यमन्त्रीमे नियुक्त हुइल शाह ३० दिनभित्रे विश्वासके मत लेहेपरना संवैधानिक व्यवस्थाअनुसार उहाँ अँट्वारके विश्वासके मत लेलैं ।