इप्रका हसुलियाके प्रमुख बोहराहे विदाई

पहुरा समाचारदाता
हसुलिया, २५ फागुन । कैलाली जिल्ला कैलारी गाउँपालिकास्थित इलाका प्रहरी कार्यालय हसुलियाके प्रहरी प्रमुख रामसिंह बोहराहे मायाके चिनोसहित विदाई कैगिल बा ।

वरिष्ठ प्रहरी नायव निरिक्षक बोहरा गैल असार २३ गतेसे इलाका प्रहरी कार्यालय हसुलियामे कार्यरत रहल रहिट । जिल्ला प्रहरी प्रहरी कार्यालय कैलालीमे सरुवा हुइलपाछे उहाँहे विफेक रोज गाउँपालिका अध्यक्ष राजसमझ चौधरी मायाके चिनोसहित विदाई करले बटै । खुला सिमानाकाके कारण जोखिमयूक्त रहल कैलारी गाउँपालिकामे शान्ति सुरक्षामे खटके सहयोग करलकमे उहाँ धन्यवादफे ज्ञापन करल रहिट ।

वरिष्ठ प्रहरी नायव निरिक्षक बोहरा आठ महिना इलाका प्रहरी कार्यालय हसुलिया बसाईके क्रममे करिब १६ सय यूवाहुकनहे लागू औषध दुव्र्यशनी न्यूनिकरण सम्बन्धी तालिम प्रदान करल बटैलै । उहाँ कहलै, ‘खुला सिमानाकासे लागु औषध तस्कारी करुइया गिरोहहे फे पक्राउ कैगिल । आठ महिनाके बैठाईमे स्थानीयहुकनसे शान्ति सुरक्षा कायम कैना ढेर सहयोग हुइल ।’

विदाई कार्यक्रममे कैलारी प्रमुखके प्रमुख प्रशासकीय अधिकृत विरबहादुर ऐर, सामाजिक विकास शाखा प्रमुख यगम कलेल, योजना शाखा प्रमुख सन्तोषकुमार चौधरी, शिक्षा शाखा प्रमुख गणेश प्रसाद मिश्रलगायत टमान शाखाके प्रमुख, कर्मचारीहुकनके उपस्थिति रहे । वरिष्ठ प्रहरी नायव निरिक्षक बोहराके जिप्रकामे सरुवा हुइलपाछे अब्बे लौव इलाका हसुलियाके प्रमुखमे जयसिंह भण्डारी आइल बटै ।