लायन्स क्लव इन्टरनेशनलके आज धनगढीमे जिल्ला सम्मेलन हुइना

पहुरा समाचारदाता
धनगढी, २७ फागुन । लायन्स क्लव इन्टरनेशनल जिल्ला ३२५ एन नेपालके आज (शनिच्चरके रोज) धनगढीमे पहिल बार्षिकोत्सव तथा जिल्ला सम्मेलन हुइना बा ।

शुकके रोज पत्रकार सम्मलेनके आयोजना करके लायन्स क्लव इन्टरनेशनल जिल्ला ३२५ एन नेपालके पहिल बार्षिकोत्सव तथा जिल्ला सम्मेलन हुइना जनागिल हो । कार्यक्रममे लायन्स क्लव इन्टरनेशनल जिल्ला ३२५ एन नेपालके विष्णुराज बुर्लाकोटी ओ डिष्ट्रिक गर्भनर सिवि चन्द उ सम्मेलनमे हुइना गतिविधिबारे जानकारी डेहल रहिट ।

सम्मेलनमे लौव प्रतिनिधि छनौट हुइना जनागिल बा । सम्मेलनके पूर्वसन्धयामे आज सकारे साढे सात बजे ट्राफिक चौराहासे कार्यक्रम स्थल शुभाश्री प्यालेशसम झाँकीसहित प्रभातफेरी ¥यालीके आयोजना हुइना लायन्स क्लव इन्टरनेशनल जिल्ला ३२५ एन नेपालके जनकराज जोशी बटैलै । लायन्स क्लव इन्टरनेशनल जिल्ला ३२५ एन नेपाल आपतविपत लगायत शिक्षा, स्वास्थ्यमे काम करटी आइल बा ।