नोबल एकेडेमीके ७औं बार्षिकोत्सव

पहुरा समाचारदाता
धनगढी,२७ फागुन । कैलालीके धनगढी उपमहानगरपालिका–१४ फुलवारीमे रहल नोृबल एकेडेमी स्कुलके ७औं वार्षिकोत्सव तथा अभिभावक दिवस शुकके रोज सम्पन्न हुइल बा ।

धनगढी उपमहानगरपालिका–१४ नम्बरके कार्यवाहक वडा अध्यक्ष मानबहादुर खत्रीके वडका पहुनामे हुइल कार्यक्रममे बार्षिकोत्सवके अवसरमे हुइल खेलकुड प्रतियोगिताके विजेताहुकनहे पुरकार वितरण, चित्रकला प्रदर्शनी, विज्ञान प्रविधिके प्रदर्शनी, विद्यार्थी ओ शिक्षकहुकनके प्रतिभा ओ टमान सांस्कृतिक कार्यक्रम कैगिल विद्यालयके प्रअ सुष्मा प्रसाई जानकारी करैले रहिट ।

विद्यालय व्यवस्थापन समिति अध्यक्ष रत्न विक्रम लामाके अध्यक्षतामे हुइल कार्यक्रमके संचालन नवराज भाट, शिक्षिका रोमिसा चौधरी, सोनी सिके ओ सन्ध्या भण्डारी करल रहिट ।