हसुलियामे निःशुल्क आँखी जाँच शिविर हुइना

पहुरा समाचारदाता
हसुलिया, २८ फागुन । कैलालीके कैलारी गाउँपालिका हसुलियामे निःशुल्क आँखी जाँच शिविर हुइना बा ।

रोटरी अष्ट्रेलिया ओ रोटरी क्लब अफ सेन्ट्रल बाँकेके संयुक्त आयोजना तथा कैलारी गाउँपालिकाके सहकार्यमे अइना चैत्र ८ गते आँखी जाँच शिविर हुइना बा । आँखी जाँच शिविर गाउँपालिकाके सभाहल (साझा हल) मे हुइना जनाइल बा ।

आँखी जाँच शिविरमे आवश्यकता अनुसार विरामीहे निःशुल्क चश्मा वितरण, शिविरमे छनौट हुइल जलविन्दु तथा मोतियाविन्दुके विरामी एवं आँखीमे मासु पलाइल विरामीहुकनके गेटा आँखा अस्पतालमे निःशुल्क अप्रेशन सुविधा ओ रोगके प्रकृति एवं आवश्यकता अनुसारके औषधी वितरण कैना जनाइल बा ।