वित्तीय साक्षरताके लाग जनचेतना कार्यक्रम

पहुरा समाचारदाता
हसुलिया, ८ चैत । कैलालीके कैलारी गाउँपालिकास्थित एनआइसी एशिया बैंक हसुलिया शाखासे बुधके रोज दिपेन्द्र माध्यमिक विद्यालयमे वित्तीय साक्षरताके लाग जनचेतना कार्यक्रम करले बा ।

नेपाल राष्ट्र बैक यिहे चैत ६ गतेसे ९ गतेसम ग्लोवल मनि सप्ताह–२०२३ मनैना कार्यक्रम अनुरुप एनआइसी एशिया बैंक हसुलिया शाखासे उ विद्यालयमे वित्तीय साक्षरताके लाग जनचेतना कार्यक्रम कैगिल शाखा प्रमुख उमेश पाण्डे बटैलै ।

कार्यक्रममे सहजीकरण करटी उहाँ विद्यार्थीहुकनके डिजिटल टेक्नोलोजीबारे जानकारी डेहल रहिट । कार्यक्रममे दिपेन्द्र माध्यमिक विद्यालयके प्रअ विनोद भट्टराई वित्तीय साक्षरताबारे जानकारी करैले रहिट । उ कार्यक्रममे ४० जनहनके सहभागिता रहे । ओस्टेक करके अस्टे कार्यक्रम एनआइसी एशिया बैंकके और शाखाफे करले बा ।