गाउँपालिका राष्ट्रिय महासंघ प्रदेश अध्यक्षमे लोकेन्द्र
पहुरा समाचारदाता
धनगढी, ८ चैत । गाउँपालिका राष्ट्रिय महासंघ नेपाल सुदूरपश्चिम प्रदेश अध्यक्षमे लोकेन्द्रबहादुर शाही सर्वसम्मत निर्वाचित हुइल बटै ।
मंगरसे सुरु हुइल गाउँपालिका राष्ट्रिय महासंघ नेपाल सुदूरपश्चिम प्रदेशके दुसरा अधिवेशनसे उहाँ अध्यक्षमे सर्वसम्मत निर्वाचित हुइल हुइट । ओस्टेक उपाध्यक्ष उत्तमबहादुर रोकाया, सचिवमे हरिबहादुर रोकाया, सहसचिवमे डम्बर बहादुर विसि ओ कोषाध्यक्षमे जमनसिंह धामी रहल बटै ।
ओस्टेक सदस्यमे भगवतीकुमारी चौधरी, डोल्मा तामाङ, माधवी जोशी, रेखाकुमारी कठरिया, बसन्तबहादुर चलाउने, मैनाकुमारी रावल, निर्पबहादुर खडका, विशुदेवी नाथ, जगतसिंह ठगुन्ना ओ मन्जु महरा बोहरा रहल बटै । ओइनके गाउँपालिका राष्ट्रिय महासंघ नेपालके केन्द्रीय सदस्य दुर्गादत्त ओझा गोपनीयताके सपथ खवैले बटै । सपथ तथा प्रमाण वितरण कार्यक्रममे गाउँपालिका राष्ट्रिय महासंघ नेपाल सुदूरपश्चिम प्रदेश अध्यक्ष लोकेन्द्रबहादुर शाही जनताके माग ओ आपेक्षअनुसार प्रदेशके समग्र विकासके लाग सदैव अग्रसर रहना बटैलै ।
गाउँपालिका राष्ट्रिय महासंघ नेपाल सुदूरपश्चिम प्रदेशके मंगरसे सुरु हुइल दुसरा अधिवेशन सुदूरपश्चिम प्रदेशके मुख्यमन्त्री कमलबहादुर शाह वडका पहुना रहिट । कलेसे भौतिक पूर्वाधार मन्त्री प्रकाश देउवा ओ आर्थिक मामिला मन्त्री नरेश शाही विशिष्ट पहुुना रहिट ।
