योजना उपभोक्ता समितिके पदाधिकारीनहे अभिमुखीकरण

पहुरा समाचारदाता
हसुलिया, ९ चैत । कैलारी गाउँपालिकाके आयोजनामे योजना उपभोक्ता समितिके पदाधिकारीनहे योजना कार्यान्वयन सम्बन्धी एक दिने अभिमुखीकरण तालिम डेहल बा ।

वडा नम्बर ७ संचालन हुइल तालिम उदघाटन कैलारी गाउँपालिकाके प्रवक्ता तथा वडा नम्बर ७ के वडा अध्यक्ष दिपन्द्र बहादुर बमके अध्यक्षतामे हुइल रहे । तालिममे योजना शाखा प्रमुख प्रमुख सन्तोषकुमार चौधरी ओ प्राविधिक संजय कठरिया सहजीकरण करल रहिट ।

कार्यक्रममे उपभोक्ता समितिके काम कर्तव्य अधिकार, आवश्यक कागजात, करकट्टी, सार्वजनिक सुनुवाई, अनुगमन, बजेट विनियोजन प्रक्रिया, संचालनबारे जानकारी डेहल बा । ओस्टेक योजना उपभोक्ता समितिके पदाधिकारीनहे हाल हाली योजनाके काम कैना निर्देशनफे डेहल बा ।कार्यक्रममे वडा सचिव चन्द्र चौधरी, उपभोक्ता समितिके पदाधिकारीहुकनके उपस्थिति रहल रहे ।