पार्टी विस्तारमे लग्ली पूर्व मन्त्री चुनकुमारी
पहुरा समाचारदाता
धनगढी, ११ चैत । नेपाल कम्युनिष्ट पार्टी (एकिकृत समाजवादी)से नेतृत्व करके सुदूरपश्चिम प्रदेशमे पूर्व राज्यमन्त्री होसेकल चुनकुमारी चौधरी अब्बे पार्टी विस्तारहे सक्रिय भूमिका निभैटी बटी ।
शनिच्चर गोदावरी नगरपालिका–८ मे पूर्व राज्यमन्त्री चुनकुमारी चौधरीके वडका पहुनामे हुइल एक कार्यक्रमसे कल्पना चौधरीके अध्यक्षतामे वडा समिति गठन कैगिल बा । समितिके उपाध्यक्षमे सिता चौधरी, जयराम चौधरी, सचिवमे गणेश चौधरी, उपसचिवमे जानकी चौधरी लगायत १५ सदस्यीय कमिति गठन हुइल बा ।
ओस्टेक करके गोदावरी–६ मे मानबहादुर राना अध्यक्षतामे ३५ सदस्यीय वडा समिति गठन हुइल बा । समितिके उपाध्यक्षमे शान्ति बोगटी ओ पञ्चराम चौधरी, सचिवमे सितादेवी चौधरी ओ उपसचिवमे कृष्णबहादुर चौधरी रहल बटै ।
ओेस्टेक गोदावरी नगरपालिका ७ के अध्यक्षमे बलबहादुर चौधरी, उपाध्यक्षमे अरुनिमा चौधरी, तुलाराम चौधरी, सचिवमे रुपा चौधरी, सहसचिवमे हरी चौधरी करके ३१ सदस्यीय वडा कमिटी गठन करल बा । समितिके सल्लाहकारमे विश्वराम चौधरी चयन हुइल बटै ।
पार्टीके केन्द्रिय सदस्य समेत रहल चौधरी तीनु वडा भेलाके वडका पहुना रहिट उ भेलामे पार्टीके जिल्ला कमिटी सचिवालय सदस्य युवराज रिमाल, गोदावरी नगर कमिति अध्यक्ष विरबहादुर पाल लगायतके सहभागिता रहल रहे ।
