नेपाल पत्रकार महासंघके ६८ औं स्थापना दिवसके अवसरमे अन्तरक्रिया

पहुरा समाचारदाता
धनगढी, १३ चैत । नेपाल पत्रकार महासंघके ६८ औं स्थापना दिवसके अवसरमे ‘आजको पत्रकारिता’ विषयक अन्तरक्रिया कार्यक्रम सम्पन्न कैगिल बा ।

वरिष्ठ पत्रकार तथा साहित्यकार मदन पुरस्कार बिजेता डा. नवराज लम्सालके प्रमुख अतिथिमे हुइल कार्यक्रममे महासंघके केन्द्रिय सचीव हेमकर्ण विक, केन्द्रीय सदस्य भरत शाह, केन्द्रीय लेखा समिति सदस्य मुकुन्द भण्डारी, अग्रज पत्रकार चित्राङ थापा, उमिद बागचन्द, सुदुरपश्चिम प्रदेशके सस्थापक अध्यक्ष अर्जुन शाह, पुर्व केन्द्रीय सदस्य, टमान पेशागत संगठनके प्रतिनिधि लगायत संचार माध्यमके प्रमुख तथा प्रतिनिधि पत्रकारके उपस्थितिमे हुइल रहे । कार्यक्रममे पत्रकारके पेशागत सुरक्षा ओ चुनौतीके विषयमे महत्वपूर्ण छलफल करल रहे ।

नेपाल पत्रकार महासंघ, सुदुरपश्चिम समितिके आयोजना ओ कैलाली शाखाके समन्वययमे हुइल कार्यक्रम प्रदेश अध्यक्ष योगेश रावलके अध्यक्षतामे हुइल रहे । कलेसे स्वागत कैलाली अध्यक्ष हिमाल जोशी करल रहिट । कार्यक्रमके संचालन प्रदेश सचिव हरि जोशी करल रहिट ।