कैलालीमे एसइई परिक्षाके लाग ५३ केन्द्र तोकगिल
पहुरा समाचारदाता
धनगढी, १३ चैत । सुदूरपश्चिममे चैत १७ गतेसे सुरु हुइना माध्यमिक शिक्षा परीक्षा (एसइई)के लाग कैलालीमे ५३ ठो केन्द्र तोकगैल बा ।
शिक्षा विकास निर्देशनालय दिपायल डोटीके तथ्यांक अनुसार कैलालीमे १७ हजार सात सय ७२ विद्यार्थी रहना जनागिल बा । निर्देशनालयके तथ्यांक अनुसार सुदूरपश्चिमसे एसइई परिक्षामे ५५ हजार तीन सय ७६ विद्यार्थी सहभागी हुइना जनैले बा ।
शिक्षा विकास निर्देशनालय दिपालय डोटीके शिक्षा निर्देशक दुर्गादत्त विष्ट प्रदेशके नौ जिल्लामे सञ्चालित हुइना एसइई परीक्षाके तयारी अन्तिम चरणमे पुगल बटैलै । उहाँक अनुसार दुई सय आठ परीक्षा केन्द्र तय हुइल बटै । साधारण नियमित, ग्रेड वृद्धि ओ प्राविधिक धारओरके विद्यार्थी सहभागी हुई लागल बटै ।
नियमित साधारण धारओर ५० हजार पाँच सय ७४, ग्रेडवृद्धिओर एक हजार आठ सय ५८ ओ प्राविधिक धारओर दुई हजार नौ सय ४४ विद्यार्थी बटै । डडेल्धुरामे सबसे कम १२ केन्द्र रहलमे यहाँ दुई हजार ६ सय ८९ विद्यार्थी बटै ।
शिक्षा विकास १२ केन्द्र रहल डोटीमे तीन हजार सात सय ७२, १५ केन्द्र रहल बाजुरामे तीन हजार एक सय ६३, १८ केन्द्र रहल बझाङमे चार हजार चार सय, २४ केन्द्र रहल अछाममे पाँच हजार ७३, १६ केन्द्र रहल दार्चुलामे दुई हजार नौ सय ७१, २५ केन्द्र रहल बैतडीमे पाँच हजार तीन सय ५१, ३३ केन्द्र रहल कञ्चनपुरमे १० हजार दुई सय १५ विद्यार्थी बटै ।
क्रमशः नियमित, ग्रेडवृद्धि ओ प्राविधिक धारओर कैलालीमे १६ हजार ६ सय ३०, सात सय दुई ओ चार सय १०, डोटीमे तीन हजार पाँच सय ३५, ६२ ओ एक सय ७५, बाजुरामे दुई हजार नौ सय ५४, ८७ ओ एक सय २२, बझाङमे चार हजार ३९, १९ ओ तीन सय सय ४२, अछाममे चार हजार आठ सय ८५, ४७ ओ एक सय ४१, दार्चुलामे दुई हजार सात सय ५०, ८९ ओ एक सय ३२, बैतडीमे चार हजार नौ सय ८९, एक सय ४४ ओ दुई सय १८, डडेल्धुरामे दुई हजार तीन सय ७७, एक सय आठ ओ दुई सय चार ओ कञ्चनपुरमे आठ हजार चार सय १५, ६ सय ओ एक हजार दुई सय विद्यार्थी सहभागी हुइही ।
प्राविधिक धारओर बाहेक नियमित ओ ग्रेडवृद्धिमे छात्रा संख्या ढेर बा । प्राविधिक धारओर छात्र एक हजार एक सय आठ बटै । कलेसे छात्रा सात सय ८७ केल बटै । ग्रेटवृद्धिओर छात्रा एक हजार एक सय आठ ओ छात्र सात सय ५० बटै । नियमितओर छात्र २५ हजार ६३ ओ छात्रा २५ हजार पाँच सय ११ बटै ।
