सत्ता गठबन्धनमे टुंङगल मन्त्रालय भागबण्डा

काठमाडौँ, १५ चैत । सत्ता गठबन्धनमे मन्त्रालयके भागबण्डा लगभग टुंग्याइल बा ।

बुधके साँझ बालुवाटारमे बैठल गठबन्धनके बैठकसे मन्त्रालयके भागबण्डा टुंग्याइल जसपाके नेता राजेन्द्र श्रेष्ठ बटैलै । सत्ता गठबन्धन सम्बद्ध राष्ट्रिय जनमोर्चाबाहेकके सक्कु दलहे मन्त्रालय भागवण्डा करल उहाँक कहाई बा । गठबन्धन बैठकमे कांग्रेससे ८, माओवादीसे ५, एकीकृत समाजवादी ओ जसपा २–२ मन्त्रालय पैना सहमति हुइल बा ।

ओस्टेक जनमतहे एक राज्यमन्त्रीसहित २, लोसपा १, उन्मुक्तिहे १, आम जनता पार्टीहे १ ओ नेसपाहे १ मन्त्रालय डेना सहमति हुइल एक नेता बटैलै ।