स्कुटर दुर्घटनामे चालकके मृत्यु

पहुरा समाचारदाता
धनगढी, १६ चैत । कैलालीके गोदावरी नगरपालिका–१ मनहरास्थित सडकमे धनगढीसे अत्तरियाओर जैटी रहल से.५ प ४६८४ नम्बरके स्कुटर अपनही अनियन्त्रित हुके हुइल दुर्घटनामे एक जानेक मृत्यु हुइल बा ।

बुधके रात दुर्घटना हुके चालक कञ्चनपुर कृष्णपुर नगरपालिका–५ बैठना ५० वर्षीय कृष्ण चौधरीके मृत्यु हुइल जिल्ला प्रहरी कार्यालय कैलाली जनैले बा । दुर्घटनामे गम्भीर घाहिल हुइल उहाँक पदमा अस्पताल अत्तरिया हुइटी सेती प्रादेशिक अस्पताल धनगढीमे उपचारके क्रममे मृत्यु हुइल हो । यी सम्बन्धमे प्रहरीसे थप अनुसन्धान करटी रहल बा ।