अभिभावक शिक्षासे समुदायके सर्वाङीण विकास सम्भवः गाउँपालिका अध्यक्ष
पहुरा समाचारदाता
धनगढी, २६ चैत । अभिभावक शिक्षासे समुदायके सर्वाङीण विकास सम्भव हुइना बटाइल बा । अभिभावाक शिक्षा सम्बन्धी ७ दिने आधारभूत तालिमके समापन करटी कैलाली गाउँपालिकाके अध्यक्ष राजसमज चौधरी अभिभावक शिक्षासे समुदायके चौतर्फी विकासमे सहयोग कैना बटाइल हुइल ।
‘प्रारम्भिक बालविकासमे लगानी, दीगो राष्ट्र विकासके थालनी’ कना नाराके साथ चैत २० गतेसे धनगढीमे सुरू हुइल अभिभावक शिक्षा सम्बन्धी ७ दिने आधारभूत तालिमके अँटवारके समापन करटी चौधरी तालिममे सहभागीहुकनसे गाउँपालिकासे भारी अपेक्षा करल बटैले बटै ।
उहाँ शिक्षा ओ स्वास्थ्यमे सुधार कैना योजनाके साथ गाउँपालिकासे काम कैना बटैले बटै । जनताके सबसे लग्गेक रहल स्थानी सरकारसंग जटराफे बेला समस्या धारे पर्ना उ समस्या समाधान कैना सदैव स्थानीय सरकार तयार हुई पर्ना अध्यक्ष चौधरी बटैले बटै । ‘शिक्षा ओ स्वास्थ्यमे सुधार कैना उद्देश्यके साथ कैलारी गाउँपालिकासे काम करटी रहल बा,’ उहाँ कहलै, ‘अभिभावकमे जागरण नन्ना तालिम प्राप्त व्यक्तिसे काम कैना ओ पालिकाके समग्र शिक्षा ओ स्वास्थ्यके अवस्थामे सुधार हुई ।’
नेपालमा प्रारम्भिक शिक्षा र विकासको सवलीकरणका लागि प्रारम्भिक सिकाइ तथा विकास मापदण्ड कार्यान्वयन परियोजना, सहयोगी संस्था युनिसेफ नेपालके प्राविधिक सहयोग, सेतो गुराँस राष्ट्रिय बालविकास सेवाके सहकार्य ओ समन्वयमे पिसवीन कैलाली ओ कैलारी गाउँपालिकाके संयुक्त कार्यक्रम अन्तर्गत टमान कार्यक्रम हुइना करलमे यी बार अभिभावक शिक्षा सम्बन्धि ७ दिने आधारभूत तालिम आयोजना भएको कैलारी गाउँपालिकाका शिक्षा युवा तथा खेलकुद शाखा प्रमुख गणेशप्रसाद मिश्र बटैलै ।
अभिभावक शिक्षा तालिममे कैलारी गाउँपालिकाके टमान विद्यालयके बालविकास शिक्षक, महिला स्वास्थ्य स्वयंसेविका, सामाजिक परिचालक सहजकर्ता, समुदायमे आधारित पुनस्र्थापना सहजकर्ता २० जानेक सहभागिता रहल रहे । तालिम लेहुइयाहुक्रे समुदायमे जाके प्रारम्भिक बाल्यावस्था, नवविवाहित दम्पत्ति, गर्भवती, स्याहारकर्ताहुकनहे अभिभावकीय व्यवहार ओ बालबालिकाहुकनहे वैज्ञानिक स्याहार कैसिक कर्ना विषयमे जानकारी करैना तालिमके उद्देश्य लेहल पीसविन जिल्लाके जिल्ला कार्यक्रम संयोजक शान्ती मगर बटैली । उ तालिमके सहजीकरण पीसविन जिल्ला कार्यक्रम अधिकृत जानकी सिंह ओ सेतो गुराँस राष्ट्रिय वालविकास कैलारी संयोजक सुरज परियार करल रहिट ।
