उद्यमशिलता सम्बन्धी कार्यशाला गोष्ठी
पहुरा समाचारदाता
मसुरिया, २९ चैत । कैलालीके गौरीगंगा नगरपालिकामे महिला तथा अपांगता रहल व्यक्तिनके उद्यमशिलता मार्फत आर्थिक सशक्तीकरण सम्बन्धी २ दिने कार्यशाला गोष्ठी हुईल बा ।
गौरीगंगा नगरपालिकाके आयोजनामे हुईल कार्यक्रममे वर्ल्ड भिजनके सहयोग तथा दिगो विकास भजनीके सहकार्यमे हुइल गोष्ठीमे वर्ल्ड भिजनके फिल्ड संयाजक दिलिप ढकाल सहजीकरण करले रहिट । अस्टेक, कार्यक्रममे दिगो विकास समाजके फिल्ड सहजकर्ता रमला चौधरी ओ अनुराग चौधरी फेन सहजीकरण कर्ले रहिट ।
कार्यक्रममे ५० जाने सहभागी रहल कार्यक्रम गौरीगंगा नगरपालिकाके उपप्रमुख भोजबहादुर बमके अध्यक्षतामे हुइल रहे ।
कार्यक्रममे दिगो विकास समाज भजनीके अध्यक्ष रामबहादुर सुनार, गौरीगंगा नगरपालिका उपसचिव हरिश फन्त, वडा नम्बर ८ के वडाध्यक्ष करूणा चौधरीलगायत मन्तव्य व्यक्त करले रहैं । कार्यत्रमके सञ्चालन गौरीगंगा नगरपालिका कृषि शाखाके प्रमुख विनोद चौधरी करले रहैं ।
