क्यान्सर पीडित चौधरीहे आर्थिक सहयोग

पहुरा समाचारदाता
धनगढी, ३० चैत । थारु विद्यार्थी समाजसे क्यान्सर पीडित आयुष चौधरीहे आर्थिक सहयोग करले बा ।

कैलाली बहुमुखी क्याम्पसमे भर्खरे गठन हुइल थाविससे विगत ६ महिनासे बीर अस्पताल काठमाण्डौंमे उपचाररत चौधरीहे आर्थिक सहयोग करल हो ।

धनगढी उपमहानगरपालिका वडा नम्बर १५ उर्मा कटानके १३ वर्षिय चौधरीके परिवारके आर्थिक अवस्था नाजुक रहल बा । उहाँके उपचारके लाग थाविस कैलाली बहुमुखी क्याम्पसमे १० हजार आर्थिक संकलन करल रहे । उ रकम क्याम्पस प्रमुख धर्मराज उपाध्याय ओ थाविसके पदाधिकारीहुक्रे आयुषके उपचारके लाग हस्तान्तरण करल रहिट ।

उहाँहे सहयोग करे चहुइया व्यक्ति ९८१२६४३३१७ मे सम्पर्क करे सेक्ना फेन परिवार अनुरोध करल जनाइल बा ।