निःशुल्क मधुमेह सचेतना तथा परामर्श शिविर सम्पन्न

पहुरा समाचारदाता
धनगढी, ९ बैशाख । लायन्स क्लब अफ धनगढी भिजन तथा धनगढी उपमहानगरपालिका वडा नं ४ के कार्यालयके संयुक्त आयोजनामे निःशुल्क मधुमेह सचेतना तथा परामर्श शिविर सम्पन्न हुइल बा ।

धनगढी उपमहानगरपालिकाके वडा नं ४ मे अवस्थित शिवपुरी धाम परिसरमे आयोजित सचेतना तथा परामर्श शिविरमे एक सयसे ढेर बिरामी स्वास्थ्य सेवा लेहल रहिट ।फिजिसियन डा. हितेश जोशी, अर्थाेपेडिक सर्जन डा. पुजन पन्तसे शिविरमे आइल बिरामीहुक्रनके चेकजाँच कैनाके साथे स्वास्थ्य सचेतना तथा परामर्श डेहल रहिट । शिविरमे क्विस्ट फर्मास्युटिकल बिरगंजसे निःशुल्क औषधि वितरण करल रहे ।

लायन्स क्लब अफ धनगढी भिजनके सभापति सुरेश अवस्थीके अध्यक्षतामे हुइल कार्यक्रमके बर्का पहुनामे लायन्स क्लबके डिष्ट्रिक गभर्नर लायन सि.बि चन्द, खास पहुना वडा अध्यक्ष बुद्धि खड्का, शिवपुरी धामके अध्यक्ष बल देव भट्ट, लायन गोबिन्द अधिकारी, लायन चेत राज पनेरु, लायन खेम राज भट्ट, लायन बोध राज ओझा, लायन सम्झना भण्डारी अधिकारी, बसन्ता भण्डारी लगायत रहल रहिट ।

लायन्स क्लब अफ धनगढी भिजनके उप–सभापति पवन शाह स्वागत मन्तव्य व्यक्त करल रहिट कलेसे कार्यक्रमके संचालन लायन नारायण दत्त भट्ट करल रहिट ।