राप्रपाके आजसे प्रदेश स्तरीय अगुवा कार्यकर्ता भेला हुइना

पहुरा समाचारदाता
धनगढी, ११ बैशाख । राष्ट्रिय प्रजातन्त्र पार्टीके आजसे प्रदेश स्तरीय अगुवा कार्यकर्ता भेला हुइना बा ।
पार्टीके केन्द्रीय अध्यक्ष राजेन्द्र लिङदेनके प्रमुख आतिथ्यमे प्रदेशस्तरीय अगुवा कार्यकर्ता भेला हुइना अँटवारके पत्रकारमे जानकारी डेहल बा ।

पार्टीके प्रदेश अध्यक्ष धर्मराज जोशीके अनुसार प्रदेशभरिक ६ सयसे अगुवा कार्यकर्ताहुकनके सहभगितामे भेला हुइना बा । भेला सोम्मार विहान ११ बजे सौराइ पार्टी प्यालेसमे कैना ओ १२ गते कैलाली उद्योग वाणिज्य संघके सभाहलमे अन्तरक्रिया कार्यक्रमके कार्यतालिका तय हुइल उहाँ बटैलै ।

भेलामे उपाध्यक्ष रविन्द्र मिश्र लगायतके शिर्ष नेताके सहभागिता रहन उहाँ जानकारी डेलै । भेलामे पार्टीके आधारभुत सिद्धान्त, नीति, समसामयिक ओ राजनीतिक अवस्था, भावी रणनीति लगायतके बारेमे बहस, छलफल कैना भेला आयोजना करे लागल उहाँ बटैलै । पत्रकार सम्मेलनमे पार्टीके केन्द्रीय सदस्य राजेश भण्डारी, प्रदेशसभा सदस्य खिमादेवी विष्ट, जिल्ला अध्यक्ष होमबहादुर गुरुङ, पार्टीके नेता विरेन्द्र बम, छत्र शाहीलगायत पार्टीके नेता कार्यकर्ताहुकनके सहभागिता रहे ।