आजसे राष्ट्रिय खोप कार्यक्रम

पहुरा समाचारदाता
धनगढी, ११ बैशाख । सुदूरपश्चिम प्रदेश सरकार सामाजिक विकास मन्त्रालय स्वास्थ्य निर्देशनालय राजपुर, डोटीसे आजसे राष्ट्रिय खोप कार्यक्रम सुरु करे लागल बा ।

निर्देशनालयसे अँटवारके रोज धनगढीमे राष्ट्रिय खोप कार्यक्रम नियमित तथा कोभिड खोप सम्बन्धी संचारकर्मीनसंग अन्तरक्रिया कार्यक्रम करटी यिहे बैशाख ११ गतेसे १७ गतेसम आजसे राष्ट्रिय खोप कार्यक्रम सुरु करे लागल जनागिल हो ।
खोपसे बचाई सेक्ना रोग नियन्त्रण, अपाङता ओ मृत्युदरहे कम कैना खोपसे बचाई सेक्ना रोगके निवारण ओ उन्मुलनहे तिव्रता डेटी दिगोपन कायम रख्ना राष्ट्रिय खोप कार्यक्रम सुरु करे लागल निर्देशनालयके निेर्देशक डा. जगदीश जोशी बटैलै । १६ प्रतिशत लर्का पूर्ण खोपसे ओ ४ प्रतिशत खोपसे बन्चित हुइल उहाँ बटैलै ।

पूर्ण खोप दिगोके लाग निर्देनालयसे प्रभावकारी एवम् गुणस्तरीय नियमित खोप सेवा सञ्चालन कैना, प्रत्येक स्वास्थ्यकर्मीके संलग्नतामे घरधुरी सर्वेक्षण, नियमित खोप सेवाके सुदृढीकरणके लाग सुक्ष्मयोजना अध्यावधिक ओ छुट बच्चाहुकनहे खोप प्रदान कैना प्रणालीके विकास कैना कहल बा ।

संचार माध्यमसे निरन्तर रुपमे खोपके महत्व बारे जानकारी सन्देश डेना तथा सफलताके कथा, समाचार प्रकासन÷प्रसारण कैना÷करैना स्थानीय तहके वार्षिक कार्यक्रममे पूर्णखोप घोषणा ओ दिगोपना कार्यक्रम समावेश स्वीकृति कैना कहल बा ।
प्रत्येक वर्ष वडा, स्थानीय तह ओ जिल्ला सभासे पूर्णखोप सुनिश्चितता हुइल प्रमाणिकरण, सार्वजनिक ओ प्रतिवेदन प्रस्तुत कैना, खोपसे बचाई सेक्ना रोगके खोजपड्ताल, निगरानी ओ रोकथाम (सर्भिलेन्स कैना निर्देशक डा. जोशी बटैलै ।
बैसाख महिना खोप महिना मनैना ( पूर्ण खोपके जानकारी ओ खोप छुट बच्चाके पहिचान कैना उहाँ बटैलै ।

खोप सप्ताह बैसाख ११ से १७ मनैना खोप लगाई छुट हुइल लर्कनहे बैसाख १५ ओ ३१ गते स्वास्थ्य संस्थामे खोप लगैना नयाँ विद्यालय भर्नामे खोप ५ बर्ष टरेक बालबालिकाके भर्नाके समयमे खोप कार्ड अनुगमनक लाग प्रोत्साहन कैना जनागिल बा ।
कार्यक्रममे निर्देशनायके निरज आर्याललगायत टमान स्वास्थ्य कर्मीनके सहभागिता रहे । कार्यक्रमके संचालन मिनराज जोशी करले रहिट ।