लेहंगा अंगिया सिलाई तालिम सुरु
पहुरा समाचारदाता
भजनी, १७ वैशाख । दाङ हस्तकाला संघ दाङके आयोजनामे भजनी–४, कञ्चनपुरमे अँट्वारके रोजसे एक महिने थारु लेहंगा अंगिया कटाई–कढाई¬–सिलाई तालिम सुरु हुइल बा ।
अमूर्त सांस्कृतिक सम्पदा पराम्परागत कलाकौसल पुरस्तर ओ बजारीकरणद्वारा संरक्षण संवद्र्धन प्रवद्र्धन हमार अभियान कना नारासहित स्कील अफ नेपालके सहयोगमे उ तालिम हुइटा ।
तालिम थारु लहंगा अंगियाके परिक्षार्थी राधा कठरियाके घरगोसियामे सुरु हुइल रहे । उहाँ तालिमसे सीप सिख्खके गाउँसे लेके राष्ट्र अन्तर्राष्ट्रियस्तरसम अपन सीप प्रवद्र्धन करना प्रतिबद्धता व्यक्त करलैं ।
कार्यक्रममे जनकी गाउँपालिका वडा नम्बर ४ के वडाध्यक्ष दीपेन्द्र कठरियाके बर्का पहुना रहैं । उहाँ आधुनिक जबनामे अपन संस्कृति हेरइल अवस्थामे सीप सिख्के पहिचान बचैनामे सबके सहयोग करेपरना बटैलैं ।
कार्यक्रममे रानीजमरा कलरिया सिंचाई योजनाके सचिव पर्शुराम चौधरीलगायत मन्तन्य व्यक्त करले रहैं कलेसे स्वागत पशुपति कृषि सहकारीके अध्यक्ष सोहनलाल कठरिया करले रहैं । कार्यक्रमके सञ्चालन पत्रकार जीवन चौधरी करले रहैं ।
