लिवर्डसे कैलारीहे विपद व्यवस्थापन सामग्री हस्तान्तरण

पहुरा समाचारदाता
हसुलिया, २१ बैशाख । लिवर्डसे कैलारी गाउँपालिकाहे विपद व्यवस्थापन साामाग्री हस्तान्तरण करले बा ।

लिवर्डसे बुझाइल विपद व्यवस्थापन सामाग्रीमे फोल्डिङ स्ट्रेचार ४ ठो, फस्ट एड किट ४ चो, त्रिपाल २७ पिस, हेल्मेट १२ ठो, भेस्ट १२ ठो, साइरन १ ठो, बुट १२ ठो पन्जा १२ ठो, लाइफ ज्याकेट १२ ठो हस्तान्तरण कैगिल बा ।

लिवर्डके सिनियर प्रोग्राम अफिसर आकाश कोइराला कैलारी गाउँपालिकाके अध्यक्ष राजसमझ चौधरी ओ प्रमुख प्रशासकीय अधिकृत विर बहादुर ऐरहे उ सामाग्री हस्तान्तरण करल रहिट । कैलारी गाउँपालिका गैल बरसके बाढसे ढेर प्रभावित हुइल ओरसे लिवर्डसे उ सामाग्री सहयोग करल बटैलै ।

विपद व्यवस्थापन सामाग्री बुझटी गाउँपालिका लिवर्डहे सहयोगके धन्यवाद डेले बटै । हस्तान्तरण कार्यक्रममे बोल्टी उहाँ कैलारी गाउँपालिका बाढ, कटानके समस्या रहल ओरसे उहीसे हुइना जोखिम न्यूनिकरणमे टेवा पुग्न बटैलै । लिवर्ड ओ कैलारी गाउँपालिकाके सहकार्य सदैव रहनाफे उहाँ विश्वास व्यक्त करलै ।