लेन सडक किनारमे लगाइल रेलिङ चोरी

पहुरा समाचारदाता
धनगढी, २० वैशाख । कैलालीके मोहना पुल छ लेन सडक किनारमे लगाइल रेलिङ चोरी हुइ लागल बा ।

भन्सारसे चटकपुर चौराहा क्षेत्रमे रेलिङ चोरी हुइट िरहल धनगढी उपमहानगरपालिकाके कार्यालय जानकारी डेले बा । सुरक्षाके लाग लगाइल रेलिङ चोरी हुइ लागलपाछे कार्यालयसे चिन्ता व्यक्त करले बा ।

रेलिङ चोरी हुइटी रहल डेखलमे धनगढी उपमहानगरपालिकाके कार्यालयहे जानकारी कराके सहयोग कैना नगर प्रमुख गोपाल हमाल आग्रह करले बाटै । घर, पसल आघेसे फेन रेलिङ चोरी हुइल बावै । ६/७ स्थानसे रेलिङ निकारके लैगिल धनगढी उपमहानगरपालिकाके कार्यालय जानकारी डेले बा ।

महानगरपालिकासे छ लेन सडकमे हरियाली ओ सौन्दर्यीकरणके मिडियमे लगाइल बोटबिरुवासमेत चोरी हुइटी रहल बावै । सार्वजनिक सम्पत्तिके संरक्षण कैनाके सट्टा चोरी करे लागलपाछे ओइसीन कार्य करुइयाके आलोचना हुइटी रहल बा ।

ओस्टके, छ लेन सडकके रेलिङ ओ बोटबिरुवा चोरी हुइनासे बचाइक लाग ठाउँ ठाउँमे सिसी टिभी क्यामेरा जडान कैना नगरवासी उपमहानगरपालिकाहे सुझाव डेले बाटै ।

रेलिङ कवाडीमे फेला

मोहनापुल–अत्तरिया ६ लेन सडकके चौराहसे भन्सार सडक खण्डसे चोरी हुइल रेलिङ फेला परल बावै ।

धनगढी उपमहानगरपालिकाके ६ लेन सडकसे चोरी हुइल रेलिङ खोजतलासके क्रममे नगर प्रहरी फेला पारल हो । उपमहानगरके वडा नम्बर ४ सहिद गेट लग्गे रहल रामजानकी संकलन केन्द्र कवाड संकलनकर्ताकेमे फेला परल हो । नगर प्रहरी खोजी करेबर २१ ठो रेलिङ भेटाइल नगरप्रमुख गोपाल हमालके सचिवालय जनैले बा ।

चोरीमे संलग्न उपर कानूनी कारबाहीके लाग प्रहरी प्रशासनसँग समन्वय कैना सचिवालय जनैले बा ।