गोलिया काठ बरामद

पहुरा समाचारदाता
हसुलिया, २१ बैशाख । कैलालीके कैलारी गाउँपालिका वडा नम्बर २ रामपुरसे इलाका हसुलिया गोलिया काठ बरामद करले बा ।

विफेक रोज इलाका प्रहरी कार्यालय हसुलियासे प्रहरी नायव निरिक्षक राजेन्द्रसिंह कार्कीके कमाण्डमे खटल प्रहरी गस्ती टोली कैलारी–२ रामपुर गाँउमे अवैध सालके गोलिया खटहामे नुकाके धारल बा कना विषेश सूचनाके आधारमे खोजी तलस करेबेर राजकुमार चौधरी, आईतवारी चौधरीके खेतुवामे खटहा खोदके लुकाछिपाके धारल अवस्थामा सालके टमान साईजके ६ ठो १२६ क्यु फिट फेला पारल बा ।

उ गोलिया रित पुर्वक बरामद करके आवश्यक कार्वाहीके लाग सब डिभिजन वन कार्यालय उदासीपुर कैलाली पठाईल बा ।

ओस्टेक करके बुधके रोज कैलारी गा.पा. ४ भितरियाघाट स्थित भारतसे अबैध रूपमे भन्सार छलके नेपाल ओर नन्टी रहल बोईलर मुरगी ४१ ठो अन्दाजी ८२ ( बयाँसी ) के.जि. बराबरके बेवारिसे अवस्थामे फेला पारके नियन्त्रणमे लेके स्थानीय जनप्रतिनिधीहुकनके रोहवरमे नष्ट करल रहे ।