वातावरणीय अधिकार सम्बन्धी अन्तरक्रिया तथा क्षमता अभिवुद्धि तालिम निम्जल
पहुरा समाचारदाता
धनगढी, २२ वैशाख । अनौपचारिक क्षेत्र सेवा केन्द्र(इन्सेक) सुदुरपश्चिम प्रदेश कार्यालय धनगढीके आयोजना तथा डिसीएके सहयोगमे वातावरणीय अधिकार सम्बन्धी अन्तरक्रिया तथा क्षमता अभिवृद्धि तालिम निम्जल बा ।
इन्सेक केन्द्रिय कार्यालय, काठमाडौंके कार्यकारी निर्देशक विजयराज गौतम वातावरणीय अधिकार मानव जीवनसंग प्रत्यक्ष जोरल ओरसृे राज्यसे यी विषयप्रति गम्भीर नइहुइल कारण मानवअधिकार रक्षकहुक्रे नीतिगत तहमे पैरवी कैना आवश्यक रहल बटैैलै ।
इन्सेक बाग्मती प्रदेश संयोजक भोला महत संवैधानिक व्यवस्था अनुसार वातावरणीय अधिकारफे मौलिक हकके रुपमे रहल ओरसे वातावरण अधिकार सम्बन्धी समस्या पहिचान करके मानव जीवनमे पारल प्रभावके अध्ययन करके कानुनी प्रकृयामे जाई सेक्ना बटैलै ।
इन्सेक सुदूरपश्चिम प्रदेश संयोजक खडकराज जोशी वातावरण अधिकार सम्बन्धी राष्ट्रिय तथा अनतराष्ट्रिय कानुनवारे मानव अधिकार रक्षकहुकनहे जानकारी कराके स्थानीय तहमे नीतिगत ऐन कानून निर्माण कैना पैरवी कैना उद्देश्यसे यी तालिमके आयोजना करल बटैलै ।
वैशाख २१ ओ २२ गतेसम सञ्चालित तालिमे राष्ट्रिय मानवअधिकार आयोगके प्रमुख हरीप्रसाद ज्ञवाली, खडकराज जोशी, सचिदानन्द जोशी, कृष्णबहादुर विश्वकर्मा वातावण अधिकार मानव अधिकार सम्बनधी टमान विषयवस्तुमे सहजीकरण करल रहिट ।
उ तालिममे कैलाली ओ कञ्चनपुरके टमान पालिकाके मानवअधिकार समुह, जिल्ला ओ प्रदेशस्तरीय मानव अधिकार रक्षक सञ्जाललगायतके सहभागीहुकनके उपस्थिति रहल रहे ।
