ढाई विघामे जामल भाँगके बोट नष्ट

पहुरा समाचारदाता
धनगढी, २२ वैशाख । कैलाली जिल्ला धनगढी उपमहानगरपालिका अन्र्तगत प्राकृतिक रुपमे जामल भाँगके बोट नष्ट कैगिल बा ।

यूवाहुक्रे लागु औषध तथा गाँजा भाँगके दुर्वसनीमे फस्टी गैल ओरसे प्राकृतिक रुपमे जामल भाँगके बोट नष्ट कैगिल हो । समुदाय–प्रहरी साझेदारी कार्यक्रम अन्तर्गत शुकके रोज सकारे धनगढी उप–महानगरपालिका अन्तर्गत टमान स्थानमे जिल्ला प्रहरी कार्यालय कैलालीके आयोजनामे वडा प्रहरी कार्यालय धनगढी, प्रहरी चौकी कनरी ओ अस्थाई प्रहरी पोष्ट विशालनगरमे कार्यरत प्रहरी कर्मचारी, दशरथ चन्द बैतडी विद्यार्थी समाज कैलाली, ग्रिन क्लिन, राष्ट्रिय गोजुरियो कराँते, स्थानीय सर्वसाधारण आमा समुह युवा संघ संस्थाहुकनके सहभागितामे प्राकृतिक रुपमे अपनही जामल गाँजाके बोट (दुई बिगाहा दस कट्टा) जटरा फडानी करके गाँजाके बोट नष्ट करल जिल्ला प्रहरी कार्यालय कैलाली जनैले बा ।