नेपाल ट्रेड युनियन कैलालीके अध्यक्षमे स्वाँर निर्वाचित
पहुरा समाचारदाता
धनगढी, २३ बैशाख । नेपाल ट्रेड युनियन काँग्रेस कैलालीके अध्यक्षमे सुरतबहादुर स्वाँर निर्वाचित हुइल बटै । शुकके हुइल मतदानसे उहाँक प्रतिद्धन्द्धी जयप्रकाश मिश्रहे २० मतसे पराजित करटी उहाँ अध्यक्षमे निर्वाचित हुइल हुइट ।
उपाध्यक्ष खुलाओ प्रतिद्धन्द्धी शान्ति भट्टहे १० मतसे पराजित करटी निर्मला चौधरी निर्वाचित हुइल बटी । कोषाध्यक्षमे सागर जोशी निर्वाचित हुइल बटै । उहाँक प्रतिद्धन्द्धी खम्बबहादुर शाहहे ६ मतसे पराजित करटी उहाँ कोषाध्यक्षमे निर्वाचित हुइल हुइट ।
ओस्टेक, केन्द्रिय प्रतिनीधिओर धिरेन्द्र कठायत, गोपालसिह बोहरा केशवराज पन्त, टेकबहादुर सार्की ओ ज्ञानेन्द्र बहादुर शाह निर्वाचित हुइल बटै । नेपाल शिक्षक संघ, नेपाल सार्वजनिक सेवा कर्मचारी संघ, नेपाल वित्तिय संस्था कर्मचारी संघ, नेपाल स्वास्यकर्मी संघ, नेपाल प्रेस युनियन लगायतके १५ संगठनके आवद्धतामे ट्रेड युनियन काँग्रेस गठन करल हो ।
