कुक्रीनके स्थायी बन्ध्याकरण शिविर सुरु
पहुरा समाचाचरदाता
धनगढी, २७ बैशाख । कुक्रीनके जन्म वृद्धिदर रोकेक लाग भेटेरिनरी अस्पताल तथा पशु सेवा विज्ञ केन्द्र कैलालीके आयोजनामे सामुदायिक कुकुरके बन्ध्याकरण शिविर सुुरु हुइल बा ।
तीन दिनसम चल्ना शिविरके पहिल दिन बुधके रोज ३५ पोथी कुकुरके स्थायी बन्ध्याकरण कार्य कैगिल भेटेरिनरी अस्पताल तथा पशु सेवा विज्ञ केन्द्र कैलाली जनैले बा ।
कुकुरके बन्ध्याकरण रेविज विरुद्धके खोप लगाके कानमे भी आकारके चिन्ह डेके फेरसे कुक्करीन फेरसे नानल ठाँउमे छोरजैना करल बा । । यी सामुदायिक कुकुरके मानविय व्यवस्थापनके एक पाटो हो । कुकुरके जन्म नियन्त्रण करके सामुदायिक कुकुर ओ जंगली गिदारके सम्पर्क बन्द करलेसे रेबिज सर्ना संभावना कम हुइना विश्वास लेहल बा ।
कुक्करीनके जन्म बृद्धिदर रोकी, रेविज रोज नियन्त्रण करी कना नाराके साथ शिविर संचालन कैगिल बा । शिविर बैशाख २९ गतेसम संचालन रही ।
नेपाल सरकारसे सन २०३० सम कुकुरके कटाईसे रेबिज रोग सर्ना दरहे शुन्यमे झर्ना लक्ष्य रख्ले बा । ३ दिनसम चल्न यी कार्यक्रममे १२० के लक्ष्यके साथ कार्य आघे बह्रल बा ।
ओस्टेक यिहीसे आघे धनगढी उपमहानगरपालिकासे संचालन करल शिविरमे १ सय ५४ ठो सामुदायिक कुक्रीनके बन्ध्याकरण करल रहे । बजार क्षेत्रमे सामुदायिक कुक्करीनके संख्या ढेर हुइल ओ सकारेक समयमे नेंङघुम करेबेर कुक्करीनसे कटना रखेदना जनगुनासो पश्चात् सामुदायिक कुक्करीनके संख्या घटैना विकल्पके रुपमे बन्ध्याकरण शिविर संचालन करल बा ।
