९० लिटर थरवाटी डारु बरामद कैके नष्ट

पहुरा समाचारदााता
हसुलिया, २७ बैशाख । कैलाली जिल्ला कैलारी गाउँपालिकाके टमान ठाउँसे इलाका प्रहरी कार्यालय हसुलियासे ९० लिटर थरवाटी डारु बरामद करके नष्ट करले बा ।

जिल्ला प्रहरी कार्यालय कैलालीके आदेशानुसार बुधके रोज इलाका प्रहरी कार्यालय हसुलियाके प्रमुख प्रहरी नायव निरिक्षक राजेन्द्रसिंह कार्कीके कमाण्डमे वडा नम्बर ६ के भगतपुर, धर्मपुर खरुवाखेरा ओ वनकट्टामे खटके स्विप अप्रेसन करेबेर अबैध रुपमे उत्पादन करके संचित तथा बिक्री वितरणके लाग ९० लिटर घरेलु डारु बरामल करल रहे । रित पुर्वक बरामद करल डारु स्थानीयबासी ओ स्थानीय जनप्रतिनिधीहुकनके रोहबरमे नष्ट करल बा ।