लागुऔषधसहित तीन जाने पक्राउ

पहुरा समाचाचरदाता
धनगढी, २७ बैशाख । कैलालीके लम्कीचुहा नगरपालिका–९ बनबसासे अवैध लागूऔषध खैरो हेरोईनसहित दुई जनहनहे प्रहरी पक्राउ करले बा ।

अवैध लागूऔषध खैरो हेरोईन ५ सय ५० मिलिग्रामसहित भजनी नगरपालिका–३ ढुषी बैठना २२ वर्षीय रन्जित पौडेलसमेत २ जनहनहे मंगरके रात पक्राउ करल जिल्ला प्रहरी कार्यालय कैलालीके प्रवक्ता कुलदिप चन्द बटैलै । ईलाका प्रहरी कार्यालय लम्की कैलालीसे खटल प्रहरी ओइनहे उ पदार्थसहित फेला पारके पक्राउ करल हो ।

ओस्टेक करके कञ्चनपुर, बेलौरी नगरपालिका–६ रिछाहसे अवैध लागूऔषध खैरो हेरोईन जैसिन विल्गैना पदार्थ ३ ग्राम ६५ मिलिग्राम ओ छोट तराजु १ थानसहित बेलौरी नगरपालिका–३ खिरिया बैठना १८ वर्षीय किशोरहे मंगरके रात प्रहरी पक्राउ करले बा ।

सुदूरपश्चिम प्रहरी कार्यालय धनगढी ओ ईलाका प्रहरी कार्यालय बेलौरीसे खटल संयुक्त टोली उहाँहे उ पदार्थसहित फेला पारके पक्राउ करल हो ।