समस्या समाधानके लाग नगरपालिकाके ध्यानाकर्षण

पहुरा समाचारदाता
कञ्चनपुर, २७ बैशाख । बेलौरी नगरपालिकास्तरीय मानव अधिकार समुहसे नगरपालिका क्षेत्रमे रहल समस्या तथा सवाल समाधानके लाग नगरपालिकाके ध्यान आकर्षण करैले बा ।

बुधके रोज बेलौरी नगरपालिकाके प्रवक्ता हर्कबहादुर भुल ओ निमित्त प्रमुख प्रशासकीय अधिकृत मार्फत बेलौरी नगरपालिकाके नगर प्रमुख पोतीलाल चौधरीहे ध्यानआकर्षण पत्र बुझाके पालिकाके ध्यानआकर्षण करल मानवअधिकार समुहके संयोजक गोविन्द प्रसाद सापकोटा बटैलै ।

मानवअधिकार समुहसे बेलौरी नगरपालिकामे मानवअधिकारके सवालमे टमान गतिविधि संचालन करेबेर यी क्षेत्रमे विशेष करके शिक्षा, स्वास्थ्य, लैङ्गीक हिंसा न्यूनिकरण ओ वातावरण अधिकारके क्षेत्रमे टमान सरोकारवालाहुकनसंगके समन्वय, अन्तरक्रिया तथा छलफल मार्फत पहिचान करके प्राथमिकीकरण करल सवाल÷समस्या समावेस करल मानवअधिकार समुह बेलौरीके कोषाध्यक्ष बिजया लक्ष्मी श्रेष्ठ बटैली ।

ध्यानआकर्षण पत्रमे गुणस्तरीय शिक्षा अधिकारके लाग बेलौरी न.पा. ५ के वागेश्वरी आधारभूत विद्यालयमे नि.मा.वि.के अनिवार्य गणित, विज्ञान ओ सामाजीक विषयके शिक्षक नइरहल कारण गुणस्तरीय शिक्षा प्रदान कैना समस्या डेखल ओरसे उ विषयगत शिक्षक व्यवस्थापन कैना आवश्यक रहल बा ।

बेलौरी न.पा. ५ के जननमुना मा.वि., वार्ड नं. ३ के सरस्वती मा.वि., वार्ड नं. ७ के गणेश मा.वि. ओ वार्ड नं. ९ के गोरखनाथ मा.वि. मे माध्यमिक तहके एक ठो फे दरबन्दी नइरहल ओरसे गुणस्तरीय शिक्षा प्रदान कैना समस्या डेखल ओरसे उ विषयगत शिक्षक व्यवस्थापन कैना आवश्यक रहल बा ।

नगरपालिकाभिटरके अधिकांश विद्यालयमे शुद्ध खानेपानी व्यवस्था नइरहल कारण बालबालिका अशुद्ध पानी पिना बाध्य हुइल ओरसे उ व्यवस्थापन कैना आवश्यक रहल बा । कालीका आ.वि. आमबगिया ओ सिद्धकेदारनाथ आ.वि. सित्तडी फांटामे नि.मा.वि. मे निम्न माध्यमिक तहके एक ठो दरबन्दी नइरहल ओरसे गुणस्तरीय शिक्षा प्रदान कैना समस्या डेखल ओरसे उ विषयगत शिक्षक व्यवस्थापन कैना आवश्यक रहल बा ।

दिवा खाजाके व्यवस्था करलेसेफे अधिकांस विद्यालयमे गुणस्तरीय खाजा नइडेना करल ओरसे ओकर अनुगमन करके मापदण्ड अनुसारके दिवा खाजाके व्यवस्था कैना आवश्यक रहल बा ।

बेलौरी न.पा. ६ के कृष्णप्रसाद आ.वि. मे निमाविके अनिवार्य गणित, विज्ञान ओ नेपाली विषयके शिक्षक नइरहल कहल बा । सामाजिक बिषयके शिक्षकसे गणित पढाई पर्ना बाध्यता रहल ओरसे उ प्रति शिक्षा शाखासे अनुगमन करके सम्बन्धित विषयगत शिक्षाके व्यवस्थापन कैना आवश्यक रहल बा ।

बेलौरी न.पा. १० सिद्धेश्वरी मा.वि. शिवनगरमे कार्यरत निमावि नेपाली ओ प्राविके १ जाने करके २ जाने शिक्षक सेवा आयोगसे अन्यत्र सिफारिस हुके गैल ओरसे उ स्थानमे हालसम पदपुर्ती नइहुइल ओरसे आवश्यक प्रक्रिया पुरयाई यथाशिघ्र पदपूर्ति कैना माग करल बा ।

ओस्टेक करके गुणस्तरीय स्वास्थ्य अधिकारके लाग नेपाल सरकारसे ओपिडी सेवाके समय ३ बजेसम निर्धारण करल कहलेसेफे बेलौरी न.पा. ४ मे रहल श्रीपुर प्राथमिक स्वास्थ्य केन्द्रमे ओपिडी सेवा २ बजे बन्द हुइना करल ओरसे ओकर अनुगमन कैना माग करल बा ।

बेलौरी न.पा. १० फुलरिया सहरी स्वास्थ्य केन्द्रमे नेपाल सरकारसे निशुल्क वितरण कैना औषधीके नामावली ओ सुझाव तथा गुनासो पेटीका नइधारल कारण सेवाग्राहीहे सूचना लेना तथा सुझाव दिन समस्या हुइटी रहल ओरसे ओकर लाग व्यवस्थापन कैना माग करल बा ।

बेलौरी न.पा. ४ मे रहल श्रीपुर प्राथमिक स्वास्थ्य केन्द्रमे इसिजी मेसिन जडान हुइल मने कर्मचारीके अभावमे संचालनमे आइनइसेकल ओरसे ओकर व्यवस्थापन कैना आवश्यक रहल कहल बा ।

स्वास्थ्य बिमा मार्फत सेवा लेना नागरिकके रेफरल कार्ड बनैना प्रक्रिया झञ्झटिलो हुइल सेवा लेना गाह्रो हुइल ओरसे सहज बनैना आवश्यक रहल बा । प्रशुति गृहमे आवश्यक मेसिन औजार तथा बेडके अभाव रहल ओरसे सेवाग्राहीहुकनहे सहज रुपमे सेवा लेना कठिनाई डेखल बा । लैङ्गिक हिंसा न्यूनिकरणके लाग लैङ्गिक हिंसाके घटनाहे स्थानीयस्तर वा समाजमे मिलापत्र करैना हुइल कारण पीडित व्यक्ति न्याय नइपैना हुइल ओरसे स्थानीय पालिकासे ओकर सचेतना कार्यक्रम संचालन कैना आवश्यक डेखल बा । नगरपालिकामे दर्ता नइहुके संचालनमे रहल मदिरा पसलहे आवश्यक प्रक्रिया पुरा करके दर्ता करैना तथा व्यवस्थित रुपमे संचालन करैना आवश्यक रहल बा । सम्मान कामके लाग समान ज्यालाके व्यवस्था कानूनी रुपमे हुइलेसेफे व्यवहारिक रुपमे कार्यन्वयन हुई नइसेकल ओरसे अनुगमन करके कार्यन्वयनमे जोड डेहे पर्ना लगायतके सार्वजनिक सरोकारके सवाल समावेस करल बा ।

बेलौरी नगरपालिका स्तरीय मानव अधिकार समुहके संयोजक गोविद प्रसाद सापकोटासे ध्यानआकर्षण पत्र बुझैटी अपनेहुक्रे पहिचान करल समस्या समाधान करेक लाग बेलौरी नगरपालिकाके प्रवक्ता मार्फत नगर प्रमुख पोतीलाल चौधरीहे आग्रह करलै । उहाँ पालिकामे बुझाइल ध्यानआकर्षण पत्रके त्रैमासिक रुपमे फलोअप कैना बटैटी का कटरा समस्या समाधान हुइल, का कटरा समाधान हुइना बाँकी बा ओ कब सम्म समाधान हुई लगायतके जानकारी लेके मानवअधिकार समुहमे अभिलेख रख्न बटैलै ।

बेलौरी नगरपालिकाके प्रवक्ता हर्क बहादुर भुल ध्यानआकर्षण पत्र बुझ्टी मानवअधिकार समुहसे अपन पालिकाके समस्या प्हिचान करके पालिकाके ध्यानआकर्षण करैना कार्यप्रति धन्यवाद ज्ञापन करटी ध्यानआकर्षण पत्रमे उल्लेख करल समस्या तथा सवाल यथासिघ्र समाधान कैना प्रतिवद्धता जनैलै । उहाँ नगर प्रमुखहे समेत ध्यानआकर्षण पत्रके बारेमे जानकारी करैना बटैटी कतिपय समस्या नगरपालिकाहे सामान्य जैसिन लग्लेसेफे आम सेवाग्राहीहुकनहे परटी रहल मार्काप्रति अपने जिम्मेवार रहन बिचार व्यक्त करलै ।