बाटचित घरमे सिकलसेल सम्बन्धी अन्तरक्रिया ओ रगतदान कार्यक्रम

पहुरा समाचारदाता
धनगढी, ३० बैशाख । समाज रुपपान्तरणके लाग कैलालीके धनगढीसे सुरुवाट हुइल बाटचित घरके टिसरा श्रृंख्लामे सिकलसेल सम्बन्धी जनचेतना मुलक अन्तरक्रिया ओ रगतदान कार्यक्रम कैगिल बा ।

बातचित घरके बरघर ठाकुर प्रसाद करियाप्रधानके घरगोस्यामे हुइल कार्यक्रमके वडका पहुना डा. सुमन चौधरी रहल रहिट । थारु बुद्धिजीवी, यूवा, विद्यार्थीहुकनके सहभागितामे हुइल कार्यक्रममे उहाँ सिकलसेलके बारेमे जानकारी डेटी एक चो सक्कु जाने सिकलसेल जाँच कराई पर्ना सल्लाह डेहल रहिट । उहाँ कहलै, सिकलसेल रोगसे थारु समुदाय ढेर प्रभावित हुइल बटै ।

सिकलसेल रोग लागल पत्ता नइहुइलेसे विमारी जटरा डवाई करैलेसे निक नइहुइना बटैलै । यी रोग लागल विमारीहे सरकार एक लाख रुप्या बराबरके निशुल्क औषधी कैना व्यवस्था रहल डा. चौधरी बटैलै । सिकलसेल रोगहे जरसे निम्मन पारेक लाग बोनम्यारो बदले सेक्लेसे केल सम्भव रहल उहाँ बटैलै ।

ओस्टेक कैके हमार फाउण्डेशनके आयोजनामे बातचित घर ओ थारु विद्यार्थी समाज इकाई समितिके सहकार्यमे हुइल रगतदान कार्यक्रममे ४० जाने रगतदान करल रहिट । कलेसे १०१ चो रगत कैसेकल पत्रकार दिपक उपाध्यायहे सम्मान कैगिल बा । सम्मानित हुइल पत्रकार समाजसेवी उपाध्यक्ष जीवन एक सक्कु जहनहे रगत डेना सल्लाह डेलै ।