लुक्री लागके टमान धनमाल जरके नष्ट

पहुरा समाचारदात
धनगढी, ३१ वैशाख । कैलाली जिल्लाके धनगढी उपमहानगरपालिका–४ दक्षिणकाली लग्गे बैस्ना ४३ वर्षीय कृष्णदत्त पाण्डेके खाद्यान्न गोदाममे विद्युत सर्ट हुुके ढयार धनमाल नष्ट हुइल बा ।

शनिच्चरके रागत लुक्री लागके गोदामभिटर रहल खाद्य सामान ओ गोदाम जरके करिब ६ करोड रूप्या बराबरके धनमाल नष्ट हुइल जिल्ला प्रहरी कार्यालय कैलालीके प्रवक्ता कुलदिप चन्द बटैलै । लुक्री लागके गोदाममे रहल चाउर, भुजा, खैना तेल, फ्रुटी, चिउरा, चाउचाउलगाएतके खाद्य सामान ओ गोदाम पूर्ण रुपमे नष्ट हुइल सञ्चालक भट्ट बटैलै । धनगढी उपमहानगरपालिकाके वारुण यन्त्र (दकमल), नेपाल प्रहरी, सशस्त्र प्रहरी ओ स्थानीयक सहयोगमे आगी नियन्त्रणमे आइल रहे ।