नेफिन बेलौरीके अध्यक्षमे कृष्ण चौधरी
पहुरा समाचारदाता
कञ्चनपुर, १ जेठ । कञ्चनपुरके बेलौरी नगरपालिका वडा नम्बर ४ मे रहल थारु छात्राबासमे निम्जल आदिवासी जनजाति महासघ बेलौरी नगरपरिषदके चौथो नगर अधिवेशनसे कृष्ण चौधरी अध्यक्षमे चयन हुइल बटै ।
वरिष्ठ उपाध्यक्ष दुर्गा श्रेष्ठ, महिला उपाध्यक्ष लक्ष्मी चौधरी, उपाध्यक्ष शोभा गुरुङ, मुख्य सचिव शुक्रराज राना, सचिव विनिता मगर, कोषाध्यक्ष रोशन थापा मगर ओ सदस्यमे विमला राना, अर्जुन श्रेष्ठ, अमरबहादुर राई लगायत ९ सदस्यीय समिति चयन हुइल हो ।
अँटवारके निम्जल सम्पन्न आदिवासी जनजाती महासघ बेलौरी नगर परिषद अध्यक्ष झक बहादुर श्रीस के सभापतित्व वडका पहुना बेलौरी नगरपालिकाके नगरप्रमुख पोतिलाल चौधरी, पहुनामे आदिवासी जनजाति महासघ जिल्ला कञ्चनपुरके कोषाध्यक्ष सानू चौधरी, बेलौरी नगरपालिका वडा नम्बर ५ के वडाध्यक्ष लालबहादुर चौधरीके उपस्थितिमे सम्पन्न हुइल आदिवासी जनजाति महासघ बेलौरी नगर परिषदके अध्यक्ष एव कार्यक्रमके सभापति झकबहादुर श्रीस जानकारी डेलै ।
