थाकस गोदावरीके नगर सभापतिमे फेरसे जनकलाल
पहुरा समाचारदाता
धनगढी, १ जेठ । थारु कल्याणकारिणी सभा कैलालीके गोदावरी नगर समितिके दुसरा अधिवेशन गोदावरी नपा ८ जमुनानगरमे निम्जल बा ।
अधिवेशनके उट्घाट्न वडा न ८ के अध्यक्ष गोविन्द चौधरी करल रहिट । कार्यक्रममे थारु कल्याणकारिणी सभा कैलालीके कार्यबाहक सभापति थारु कल्याणकारिणी सभा थारु समुदायके छाता संगठन रहल ओरसे यी संस्थामे सक्कु थारु गोलबन्ध हुइना जरुरी रहल बटैलै ।
थारु समुदायसे संविधान प्रदत्त पाई पर्ना सक्कु हक अधिकार सम्पन्न कैना एकताबद्ध हुइक लाग थारु कल्याणकारिणी सभा विगतसे हाल सम सडक संघर्स करटी आइल बटैलै । उहाँ कहलै स्थानीय तहसे केन्द्रसम संस्था सुदृढीकरण अभियानहे जोड डेना सक्कु थारु समुदायके कर्तव्य हो ।
थारु कल्याणकारिणी सभा के दुसरा गोदावरी नगर अधिवेशनसे पफेरसे जनकलाल चौधरीके नेतृत्वमे १२ सदस्यीय समिती सर्वसम्मत गठन हुइल बा । उपाध्यक्षमे फकलु चौधरी, रन्जिता चौधरी, सचिवमे फुलाराम चौधरी, कोषाध्यक्षमे शोभा चौधरी, सह सहसचिवमे कल्पना चौधरी चयन हुइल बटै ।
