पूर्व राजाहे धनगढीमे नागरिक अभिनन्दन कैना

पहुरा समाचारदाता
धनगढी, ३ जेठ । पूर्व राजाहे धनगढीमे नागरिक अभिनन्दन कैना तयारी पूरा हुइल बा ।

धनगढीमे जेठ ६ गते पूर्व राजा ज्ञानेन्द्र शाहके नागरिक अभिनन्दन हुइना मुल समारोह समितिके सचिवालयसे बुधके पत्रकार सम्मेलन मार्फत जानकारी कराइल हो । पूर्व राजा ज्ञानेन्द्र शाहके ६ गते दिनके २ बजे धनगढीके कभर्ड हलमे विशाल समारोके बिच नागरिक अभिनन्द कैना समारोहके सञ्चार संयोजक ललित जोशी बटैलै ।

नागरिक अभिनन्दनके लाग जेठ पाँच गते पूर्व राजपरिवार धनगढी पुग्ना बाटै । पूर्व युवराज पारस शाह बाहेक राजपरिवारके सक्कु सदस्य धनगढी अइना कार्यक्रम तय हुइल जोशी बटैलै । जेठ ६ गते सुदूरपश्चिमके हजारौं मनै पूर्व राजाके अभिनन्दन समारोहमे उपस्थित हुइना जोशीके दाबी रहल बा ।