शान्ति परियोजनासे संचालित गतिविधिके अनुगमन

पहुरा समाचारदाता
धनगढी, १ जेठ । मानव अधिकारका लागि महिला एकल महिला समुह सुदूरपश्चिम प्रदेश अन्र्तगत शान्ति परियोजनासे संचालित गतिविधिके अनुगमन कैगिल बा ।
कुरवे वुष्ट्रोके आर्थिक सहयोगमे मानव अधिकारका लागि महिला एकल महिला समुहसे धनगढी उपमहानगरपालिका, गोदावरी नगरपालिका ओ कैलारीमे शान्ति परियोजनामार्फत टमान गतिविधि संचालन करले बा ।
जर्मन एमविसिके सर्विना, कुरवे वुष्ट्रोके पिटर, एडभोकेसी फोरमके विकास बस्नेत, नागरिक अवाजके सुसन रिजाल, डब्लुएचआरके प्रदेश अध्यक्ष सुमन शर्मा, परियोजना संयोजक वेद अवस्थी, कोषाध्यक्ष मिना भण्डारी, डब्लुएचआरके सल्लाहकार गोमा आचार्य धनगढीमे संचालन हुइल सेनेटरी प्याड उद्योग ओ गारमेन्ट उद्योग अनुगमन तथा अन्तरक्रिया कार्यक्रम कैगिल बा ।

ओस्टेक मानव अधिकारका लागि महिला एकल महिला समुह सुदूरपश्चिम प्रदेश अन्र्तगत शान्ति परियोजनासे कैलारी गाउँपालिका–६ मे संचालित गतिविधिके अनुगमन ओ वडा अध्यक्ष प्रेमबहादुर चौधरीलगायत टिमसे अन्तरक्रिया कार्यक्रम कैगिल बा । अन्तरक्रिया कार्यक्रममे वडा अध्यक्ष प्रेम बहादुर चौधरी द्वन्द प्रभावित तथा एकल महिलाहुकनके दुख विसैना चौतारीके लाग सामुदायिक भवन बनागिल बटैलै । उहाँ कहलै, ‘वडा नम्बर ६ मे द्वन्द प्रभावित तथा एकल महिलाहुकनके लाग सामुदयिक भवन बनागिल बा । वडामे सितल एकल महिला कृषक समुहफे गठन हुइल बा । ओइने प्रत्येक महिना बैठक बैठके योजना बनैना बचत जमा कैना करल बटै ।’
वडा कार्यालयसे द्वन्द प्रभावित तथा एकल महिलाहुकनके लाग छेगरी पालन, लगायत टमान मेरिक सीपमुलक तालिम डेहुवाइल बटैलै ।’

ओस्टेक करके जर्मन एमविसिके सर्विना, कुरवे वुष्ट्रोके पिटर, एडभोकेसी फोरमके विकास बस्नेत, नागरिक अवाजके सुसन रिजाल, डब्लुएचआरके टिम, वडा अध्यक्षसे वडामे गठन हुइल सितल एकल महिला कृषक समुहसेफे छलफल करले बा । छलफल कार्यक्रममे परियोजना संयोजक वेद अवस्थी वडा नम्बर ६ वनकट्टामे शान्ति संग्राहलय स्थापनाके योजना रहल बटैली । यी संग्राहलयमे मेडिटेशन कक्ष, फुल बगैचा, पानीके फोहरालगायत द्वन्दकालमे ज्यान गुमुइयाके स्मारक बनैनाफे योजना रहल उहाँ बटैली । अन्तरक्रियामे द्वन्द पीडित एकल महिला सविता चौधरी, रमेशी चौधरी द्वन्द पीडित तथा एकल महिलाके लाग आयमुलक तालिमसंगे व्यवस्थासंगे व्यवसाय संचालनके सहयोग कैना आग्रह करल रहिट ।

ओस्टेक अनुगमन टोलीसे गाउँस्तरके द्वन्द पीडित तथा एकल महिलाहुकनसे अन्तरक्रिया करले बा । दोहरो अन्तरक्रिया कार्यक्रममे द्वन्द पीडित तथा एकल महिलाहुक्रे अपने भोग्टी आइल समस्या ओ चुनौतीबारे जानकारी डेहल रहिट ।