नेपाली काँग्रेसके जिल्ला सम्मेलन निम्जल

पहुरा समाचारदाता
धनगढी, ५ जेठ । नेपाली कांग्रेस कैलालीके १४ औ अधिवेशन पाछेक पहिल जिल्ला सम्मेलन कैलाली जिल्लाके कैलारीमे निम्जल बा ।

उ सम्मेलनके उदघाटन सुदूरपश्चिम सरकारके मुख्यमन्त्री कमलबहादुर शाह करल रहिट । कार्यक्रमके विशिष्ट पहुना भौतिक पुर्वाधार मन्त्री प्रकाशबहादुर देउवा रहल रहिट । सम्मेलन नेपाली काँग्रेसके जिल्ला सभापति नारायणदत्त भट्टके घरगोस्यामे सम्पन्न हुइल हो ।

कार्यक्रममे प्रदेश सभा सदस्य प्रकाशबहादुर बम, नेपाली काँग्रेसके प्रदेश सदस्य तथा कैलारी गाउँपालिका अध्यक्ष राजसमझ चौधरी, पार्टीके जिल्ला उपसभापति खेम डंगौरालगायत मन्तव्य व्यक्त करले रहैं ।