रेशम चौधरीसहित १९ जहनके बाँकी कैद मिनाहा
काठमाडौं, १४ जेठ । गणतन्त्र दिवसके अवसर पारके नेपाल सरकार मन्त्रिपरिषद्के सिफारिसमे राष्ट्रपतिसे रेशम चौधरीसहित १९ जहनके कैदीके बाँकी कैद मिनाहा हुइल बा ।
राष्ट्रपति कार्यालयके प्रवक्ता शैलजा रेग्मी भट्टराई रेशम चौधरीसहित १९ जाने कैदीके बाँकी कैद मिनाहा हुइल बटैलैं ।
राष्ट्रपति कार्यालयसे जारी करल विज्ञप्तिमे कहल बा, ‘‘सम्माननीय राष्ट्रपति श्री रामचन्द्र पौडेलज्यूसे नेपाल सरकार, मन्त्रिपरिषद्के मिति २०८०/०२/१२ ओ २०८०/०२/१४ के बैठकके सिफारिस अनुसार टोपबहादुर बुढासमेतके १९ जाने व्यक्तिहे टमान अदालतसे टमान मितिमे हुइल फैसलाबमोजिम लागल कैद सजाय नेपालके संविधानके धारा २७६ ओ मुलुकी फौजदारी कार्यविधि संहिता, २०७४ के दफा १५९ बमोजिम गणतन्त्र दिवस, २०८० के उपलक्ष्यमे माफी हुइल बा ।’’
अस्टेक, राष्ट्रपति पौडेल मन्त्रिपरिषद्के जेठ १२ के बैठकके सिफारिसमे जेठ १५ गतेसे लागू हुइना मेरिक रमेश थलङ कना हेमबहादुर थलङरलिम्बूसमेतके ४७५ जाने ओ ज्येष्ठ नागरिक उदयनारायण गिरीसमेतके ७ जोने कैके कुल जम्मा ४८२ जाने कैदीहुकनके भुक्तान हुइना बाँकी कैद सजाय माफ करले बटैं । (- गोरखापत्रसे)
