बरेलीके श्रीराम मुर्ती अस्पतालमे नेपाली बिरामीके निःशुल्क उपचार कैना

पहुरा समाचारदाता
धनगढी, २१ जेठ । भारतके बरेलीमे रहल श्रीराम मुर्ती स्मारक ईन्स्टिच्युट अफ मेडिकल साइन्सेजसे नेपाली विरामीहुकनके निःशुल्क उपचार कैना हुइल बा । अस्पतालसे जेठ ३२ से एक महिनासम अस्पतालमे निःशुल्क स्वास्थ्य शिविर सञ्चालन करके नेपालके बिरामीके शल्यक्रियासहितके उपचार कैना बटाइल हो ।

अस्पतालके म्यानेजर डाक्टर आइए खान जेठ ३२ से एक महिना नेपाली बिरामीके उपचार कैना निःशुल्क स्वास्थ्य शिविर लग्ना बटाइल हुइट । नेपालके सुदूरपश्चिम प्रदेशसे जैना बिरामीसे और समयमेफे विशेष छुट पैना करल हुइलसेफे स्वास्थ्य शिविरमे भर हार्निया, एपेन्डिक्स, पत्थरी, पाइल्स जैसिन रोगके निःशुल्क शल्यक्रिया कैना डाक्टर खान बटैलै ।

अस्पतालके म्यानेजर डाक्टर आइए खानसे जेठ ३२ से एक महिना नेपाली बिरामीके उपचार कैना निःशुल्क स्वास्थ्य शिविर लग्ना बटाइल हुइट । नेपालके सुदूरपश्चिम प्रदेशसे जैना बिरामीसे और समयमेफे विशेष छुट पैना करल हुइलेसेफे स्वास्थ्य शिविरमे भर हार्निया, एपेन्डिक्स, पत्थरी, पाइल्स जैसिन रोगके निःशुल्क शल्यक्रिया कैना डाक्टर खान बटैलै ।

एक हजार शय्याके अस्पताल

श्रीराम मुर्ती स्मारक अस्पताल ट्रष्टसे सञ्चालित मेडिकल कलेज हो । मेडिकल कलेजमे १ हजार शय्या बटै कलेसे ११ ठो विभाग बटै । अस्पतालमे १३० जाने विशेषज्ञ चिकित्सक बटै कलेसे ६५० चिकित्सकसे सेवा प्रदान करटी रहल अस्पताल व्यवस्थापनसे जनैले बा ।

अस्पताल व्यवस्थापनके अनुसार सन् २००२ मे स्थापना हुइल मेडिकल कलेजमे दैनिक १५ हजार बिरामी अइना करल बटै । विशेषज्ञ चिकित्सकके पढाई हुइना श्रीराम मुर्ति मेडिकल कलेजमे एक्के छानाटरे अत्याधुनिक उपचार सेवा उपलब्ध रहल दाबी करल बा ।

विपन्न बिरामीके निःशुल्क उपचार

श्रीराम मुर्ती स्मारक अस्पतालसे विपन्न बिरामीके निःशुल्क उपचार करटी आइल बा ।
“सुदूरपश्चिमसे जैना गरिव परिवारके बिरामीहे निःशुल्क उपचार कैना करल बटी, उहाँ कहलै, “और विरामीहेफे अवस्था हेरके उपचारमे छुट डेना करल बटी । बिरामी कुरुवाहे खैना ओ बैठना प्रवन्धफे अस्पताल भिटर व्यवस्था करल बटी ।“

अत्याधुनिक उपचार सेवा

श्रीराम मुर्ती स्मारक अस्पतालमे अत्याधुनिक उपकरणसे अत्याधुनिक उपचार सेवा उपलब्ध रहल अस्पतालके व्यवस्थापक विनित बर्मा बटैलै । उहाँ सस्ता, भरपर्दो ओ अत्याधुनिक उपचारके लाग बिरामीके रोजाइमे श्रीराम मुर्ती अस्पताल परे लागल बटैलै । “हमार अस्पतालमे सक्कु उच्चस्तरीय उपचार सेवा उपलब्ध बा,“ “नेपालके सुदूरपश्चिमसे जैना बिरामीके लाग अस्पतालसे विषेश सहुलियत डेना नीति लेले बा । ओपोडी टिकट केवल ३० रुप्या बा कलेसे और उपचारफे सस्ता बा ।“

अस्पताल व्यवस्थापक बर्मा मुटु, क्यान्सर, मृगौलाके स्तरीय ओ अत्याधुनिक उपचार सेवा उपलब्ध रहल बटैले बटै । अस्पतालमे रोबोटिक सर्जरी, मृगौला प्रत्यारोपण ओ अत्याधुनिक एमआरआई ओ सिटिस्क्यान मसिन रहल बटैलै ।
नेपाली बिरामीके सहज आवागमनके लाग सशस्त्र प्रहरी बल ओ भारतीय सिमा सुरक्षाब बलसंग समन्वय करके बिरामी सिमामे पुग्टीकी नाका खोल्न आग्रह करल ओ दुनु पक्षसे सकारात्मक जवाफ आइल अस्पताल जनैले बा ।

सुदूरपश्चिमके बिरामीहे सबसे छोट दुरीमे बरेली पर्ना हुइल ओरसे यहाँके अस्पतालसे रेफर हुइना बिरामीहे जटरा हाली अस्पताल पुग्न सिमा सुरक्षा अधिकारीसँग समन्वय करके नेपालके सशस्त्र प्रहरी बलहे अत्याधुनिक एम्बुलेन्स प्रदान कैना प्रस्ताव करल डाक्टर खान बटैले बटै । एम्बुलेन्स प्रदान करे सेलेसे थप उपचार लेना सहजे अस्पतालसम पुग्न सहज हुइना विश्वास करल बा ।